Almatynyń Medeý aýdanynda qarý-jaraq saqtaǵan er adamdy ustaý boiynsha arnaiy operatsiia ótkizildi, dep habarlaidy "Ult aqparat".
«Politsiia nazaryna «Dýman» shaǵynaýdanynda turatyn 27 jastaǵy jigit ilindi. Ol adamdardy bopsalaǵany úshin buǵan deiin de isti bolǵan. Tintý barysynda qaltasynan pyshaq tabyldy. Sonymen qatar, kúdiktiniń «Audi» kóliginen 12 kalibrli eki sholaq myltyq, tegis uńǵyly myltyq, karabin, 15 oq-dári tabyldy. Tárkilengen qarý-jaraq ballistikalyq saraptamaǵa jiberildi. Saraptamalyq tekserýden soń quraldardyń qai jerde shyǵarylǵany, iesi kim ekendigi, qylmysqa qoldanylǵany nemese qoldanylmaǵany anyqtalady», - dedi qalalyq Politsiia departamenti Qylmystyq politsiia basqarmasynyń basshysy Janbolat Ziadin.
Bul derek QR QK-niń 287-baby 3-bóligi boiynsha sotqa deiingi biryńǵai tergeý reestrine tirkeldi. Kúdikti ýaqytsha ustaý oqshaýlaǵyshyna jetkizildi.
