الماتىنىڭ مەدەۋ اۋدانىندا قارۋ-جاراق ساقتاعان ەر ادامدى ۇستاۋ بويىنشا ارنايى وپەراتسييا ٶتكٸزٸلدٸ, دەپ حابارلايدى "ۇلت اقپارات".
«پوليتسييا نازارىنا «دۋمان» شاعىناۋدانىندا تۇراتىن 27 جاستاعى جٸگٸت ٸلٸندٸ. ول ادامداردى بوپسالاعانى ٷشٸن بۇعان دەيٸن دە ٸستٸ بولعان. تٸنتۋ بارىسىندا قالتاسىنان پىشاق تابىلدى. سونىمەن قاتار, كٷدٸكتٸنٸڭ «Audٸ» كٶلٸگٸنەن 12 كاليبرلٸ ەكٸ شولاق مىلتىق, تەگٸس ۇڭعىلى مىلتىق, كارابين, 15 وق-دەرٸ تابىلدى. تەركٸلەنگەن قارۋ-جاراق بالليستيكالىق ساراپتاماعا جٸبەرٸلدٸ. ساراپتامالىق تەكسەرۋدەن سوڭ قۇرالداردىڭ قاي جەردە شىعارىلعانى, يەسٸ كٸم ەكەندٸگٸ, قىلمىسقا قولدانىلعانى نەمەسە قولدانىلماعانى انىقتالادى», - دەدٸ قالالىق پوليتسييا دەپارتامەنتٸ قىلمىستىق پوليتسييا باسقارماسىنىڭ باسشىسى جانبولات زيادين.
بۇل دەرەك قر قك-نٸڭ 287-بابى 3-بٶلٸگٸ بويىنشا سوتقا دەيٸنگٸ بٸرىڭعاي تەرگەۋ رەەسترٸنە تٸركەلدٸ. كٷدٸكتٸ ۋاقىتشا ۇستاۋ وقشاۋلاعىشىنا جەتكٸزٸلدٸ.
