Túrkistanda biýdjet qarajatyn tiimdi bólý jáne únemdeý maqsatynda memlekettik mekemelerde monitoringtik jumystary júrgizildi, dep habarlaidy QazAqparat.
Atalmysh shara QR Sybailas jemqorlyqqa qarsy is-qimyl agenttiginiń Túrkistan oblysy boiynsha departamentiniń janynan qurylǵan «Túrkistan – adaldyq alańy» jobalyq keńsesi aiasynda qolǵa alynǵan bolatyn.
Ońtailandyrý jumystary barysynda qaitalanatyn fýnktsiialardy alyp tastaý joly qarastyrylyp, oblys boiynsha jalpy sany 1001 shtat qysqartyldy.
Departamenttiń málimetinshe, óńirde júrgizilgen monitoringtik jumystardyń nátijesinde memleket biýdjetinen jalpy sommasy 454 mln 296 myń teńge únemdelip otyr. Ońtailandyrý sharalary óńirde básekege qabiletti kásibi mamandardy jasaqtaý men kepildi eńbekaqymen qamtylǵan tiimdi memlekettik apparatty qurý maqsatynda júrgizilgen.
Aita keteiik, búgingi kúni memleket saiasaty tiimsiz shyǵyndardy qysqartyp, transformatsiialaý isin ilgeriletýge airyqsha basymdyq berip otyr. Shtat sanyn ońtailandyrý protsesi el biýdjetiniń tiimdi jumsalýyna yqpal etip, ákimshilik shyǵyndardy azaitýǵa múmkindik beretin utymdy júie ekenin kórsetti.
