تٷركٸستاندا بيۋدجەت قاراجاتىن تيٸمدٸ بٶلۋ جەنە ٷنەمدەۋ ماقساتىندا مەملەكەتتٸك مەكەمەلەردە مونيتورينگتٸك جۇمىستارى جٷرگٸزٸلدٸ, دەپ حابارلايدى قازاقپارات.
اتالمىش شارا قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٷركٸستان وبلىسى بويىنشا دەپارتامەنتٸنٸڭ جانىنان قۇرىلعان «تٷركٸستان – ادالدىق الاڭى» جوبالىق كەڭسەسٸ اياسىندا قولعا الىنعان بولاتىن.
وڭتايلاندىرۋ جۇمىستارى بارىسىندا قايتالاناتىن فۋنكتسييالاردى الىپ تاستاۋ جولى قاراستىرىلىپ, وبلىس بويىنشا جالپى سانى 1001 شتات قىسقارتىلدى.
دەپارتامەنتتٸڭ مەلٸمەتٸنشە, ٶڭٸردە جٷرگٸزٸلگەن مونيتورينگتٸك جۇمىستاردىڭ نەتيجەسٸندە مەملەكەت بيۋدجەتٸنەن جالپى سومماسى 454 ملن 296 مىڭ تەڭگە ٷنەمدەلٸپ وتىر. وڭتايلاندىرۋ شارالارى ٶڭٸردە بەسەكەگە قابٸلەتتٸ كەسٸبي مامانداردى جاساقتاۋ مەن كەپٸلدٸ ەڭبەكاقىمەن قامتىلعان تيٸمدٸ مەملەكەتتٸك اپپاراتتى قۇرۋ ماقساتىندا جٷرگٸزٸلگەن.
ايتا كەتەيٸك, بٷگٸنگٸ كٷنٸ مەملەكەت ساياساتى تيٸمسٸز شىعىنداردى قىسقارتىپ, ترانسفورماتسييالاۋ ٸسٸن ٸلگەرٸلەتۋگە ايرىقشا باسىمدىق بەرٸپ وتىر. شتات سانىن وڭتايلاندىرۋ پروتسەسٸ ەل بيۋدجەتٸنٸڭ تيٸمدٸ جۇمسالۋىنا ىقپال ەتٸپ, ەكٸمشٸلٸك شىعىنداردى ازايتۋعا مٷمكٸندٸك بەرەتٸن ۇتىمدى جٷيە ەكەنٸن كٶرسەتتٸ.
