Soltústik Qazaqstan oblysynyń ákimi Qumar Aqsaqalov Petropavl qalasynyń JEO-2-degi qubyrdyń opyrylǵanyna qatysty túsinikteme berdi, - dep habarlaidy Tengrinews.kz.
"Memleket basshysy qysqa merzimde Petropavl turǵyndaryn jylýmen qamtamasyz etýdi tapsyrdy. Keshegi apattan keiin tek tórt qazandyq agregaty jumys istep tur. Apat saldarynan ekeýi isten shyqty. Búgin úshinshisi iske qosyldy. Tústen keiin tórtinshisi qalypqa keledi. Keshke deiin barlyq aqaý joiylyp, qalypty jumysqa oralamyz.
Qazir qalpyna keltirý jáne izdeý jumystary júrip jatyr. Keshe apat ornynda bir qyzmetkerimiz jumys istedi. Biz ony izdep jatyrmyz. Basqa zardap shekkender ne meditsinalyq kómekke júgingen adamdar joq. Apattyń sebepterin zertteitin arnaiy komissiia quryldy. Oǵan ákimdik, quqyq qorǵaý organdarynyń qyzmetkerleri jáne tiisti mamandar kirdi. Nátijeler men qorytyndylardy halyqqa jariia etemiz", - dedi SQO ákimi.
Eske salaiyq, búgin Petropavlda JEO-2-degi úsh qubyrdyń biri opyrylǵany habarlanǵan bolatyn.
