Jańa oqý jylynda arnaiy bilim uiymdarynyń jumysyn 9700-den astam pedagog internet-platformalardy paidalana otyryp qashyqtan oqytý formatynda, sondai-aq shtattyq rejimde jeke jáne toptarda sanitarlyq qaýipsizdik normalaryn saqtai otyryp qamtamasyz etedi. Bul jóninde Bilim jáne ǵylym ministrligi habarlady.
Jańa oqý jyly qarsańynda erekshe bilim berý qajettilikteri bar oqýshylar men ata-analarǵa arnalǵan ádistemelik usynystar daiyndalǵandyǵyn aita ketken jón. Sondai-aq Túzetý pedagogikasynyń ulttyq ǵylymi-praktikalyq ortalyǵynyń resmi saitynda erekshe bilim berý qajettilikteri bar balalarǵa arnalǵan oqýlyqtardyń elektrondyq nusqalary men beine sabaqtar ornalastyrylǵan.
Jalpy elimiz boiynsha 420 arnaiy bilim berý uiymy bar, onyń ishinde 195 psihologiialyq-pedagogikalyq túzetý kabineti, 98 arnaiy mektep, 14 ońaltý ortalyǵy jáne 38 arnaiy mektepke deiingi uiym, 75 psihologiialyq-meditsinalyq-pedagogikalyq konsýltatsiia (PMPK) jumys isteidi. Psihologiialyq-pedagogikalyq túzetý kabinetteri men ońaltý ortalyqtarynda 24 503 bala qoldaý alady, onyń ishinde mektep uiymdaryna barmaityn 2415 bala.
Jańa 2020-2021 oqý jylynda tiisti aýmaqtardyń bas memlekettik sanitarlyq dárigerleriniń kelisimi boiynsha arnaiy bilim berý uiymdaryna qashyqtan, shtattyq, sondai-aq jabyq rejimde jumys isteýge múmkindik beriledi.
Intellektisi saqtalǵan jáne aqyl-oiy buzylǵan balalarǵa arnalǵan arnaiy mektepterge karantin kezeńinde shtattyq rejim men qashyqtan oqytý formatynan basqa, jabyq rejimdegi oqytý nysany usynylady.
Iaǵni, oqýshylar men qyzmetkerler mektep-internatta turý úshin oqý ornyna bir mezgilde keledi. Arnaiy balabaqshalar jalpy úlgidegi balabaqshalar rejiminde jumys isteidi.
PMPK, psihologiialyq-pedagogikalyq túzetý kabineti jáne ońaltý ortalyqtary qatań sanitarlyq-epidemiologiialyq talaptardy saqtai otyryp, shtattyq rejimde óz jumystaryn jalǵastyrmaq. Sonymen qatar oqytý arnaiy tehnologiialardy qoldana otyryp, qashyqtan oqytý formatynda da júrgiziletin bolady.
Arnaiy bilim uiymdary oqytý formatyn ata-analarmen kelise otyryp, ózderi tańdaidy.
