جاڭا وقۋ جىلىندا ارنايى بٸلٸم ۇيىمدارىنىڭ جۇمىسىن 9700-دەن استام پەداگوگ ينتەرنەت-پلاتفورمالاردى پايدالانا وتىرىپ قاشىقتان وقىتۋ فورماتىندا, سونداي-اق شتاتتىق رەجيمدە جەكە جەنە توپتاردا سانيتارلىق قاۋٸپسٸزدٸك نورمالارىن ساقتاي وتىرىپ قامتاماسىز ەتەدٸ. بۇل جٶنٸندە بٸلٸم جەنە عىلىم مينيسترلٸگٸ حابارلادى.
جاڭا وقۋ جىلى قارساڭىندا ەرەكشە بٸلٸم بەرۋ قاجەتتٸلٸكتەرٸ بار وقۋشىلار مەن اتا-انالارعا ارنالعان ەدٸستەمەلٸك ۇسىنىستار دايىندالعاندىعىن ايتا كەتكەن جٶن. سونداي-اق تٷزەتۋ پەداگوگيكاسىنىڭ ۇلتتىق عىلىمي-پراكتيكالىق ورتالىعىنىڭ رەسمي سايتىندا ەرەكشە بٸلٸم بەرۋ قاجەتتٸلٸكتەرٸ بار بالالارعا ارنالعان وقۋلىقتاردىڭ ەلەكتروندىق نۇسقالارى مەن بەينە ساباقتار ورنالاستىرىلعان.
جالپى ەلٸمٸز بويىنشا 420 ارنايى بٸلٸم بەرۋ ۇيىمى بار, ونىڭ ٸشٸندە 195 پسيحولوگييالىق-پەداگوگيكالىق تٷزەتۋ كابينەتٸ, 98 ارنايى مەكتەپ, 14 وڭالتۋ ورتالىعى جەنە 38 ارنايى مەكتەپكە دەيٸنگٸ ۇيىم, 75 پسيحولوگييالىق-مەديتسينالىق-پەداگوگيكالىق كونسۋلتاتسييا (پمپك) جۇمىس ٸستەيدٸ. پسيحولوگييالىق-پەداگوگيكالىق تٷزەتۋ كابينەتتەرٸ مەن وڭالتۋ ورتالىقتارىندا 24 503 بالا قولداۋ الادى, ونىڭ ٸشٸندە مەكتەپ ۇيىمدارىنا بارمايتىن 2415 بالا.
جاڭا 2020-2021 وقۋ جىلىندا تيٸستٸ اۋماقتاردىڭ باس مەملەكەتتٸك سانيتارلىق دەرٸگەرلەرٸنٸڭ كەلٸسٸمٸ بويىنشا ارنايى بٸلٸم بەرۋ ۇيىمدارىنا قاشىقتان, شتاتتىق, سونداي-اق جابىق رەجيمدە جۇمىس ٸستەۋگە مٷمكٸندٸك بەرٸلەدٸ.
ينتەللەكتٸسٸ ساقتالعان جەنە اقىل-ويى بۇزىلعان بالالارعا ارنالعان ارنايى مەكتەپتەرگە كارانتين كەزەڭٸندە شتاتتىق رەجيم مەن قاشىقتان وقىتۋ فورماتىنان باسقا, جابىق رەجيمدەگٸ وقىتۋ نىسانى ۇسىنىلادى.
ياعني, وقۋشىلار مەن قىزمەتكەرلەر مەكتەپ-ينتەرناتتا تۇرۋ ٷشٸن وقۋ ورنىنا بٸر مەزگٸلدە كەلەدٸ. ارنايى بالاباقشالار جالپى ٷلگٸدەگٸ بالاباقشالار رەجيمٸندە جۇمىس ٸستەيدٸ.
پمپك, پسيحولوگييالىق-پەداگوگيكالىق تٷزەتۋ كابينەتٸ جەنە وڭالتۋ ورتالىقتارى قاتاڭ سانيتارلىق-ەپيدەميولوگييالىق تالاپتاردى ساقتاي وتىرىپ, شتاتتىق رەجيمدە ٶز جۇمىستارىن جالعاستىرماق. سونىمەن قاتار وقىتۋ ارنايى تەحنولوگييالاردى قولدانا وتىرىپ, قاشىقتان وقىتۋ فورماتىندا دا جٷرگٸزٸلەتٸن بولادى.
ارنايى بٸلٸم ۇيىمدارى وقىتۋ فورماتىن اتا-انالارمەن كەلٸسە وتىرىپ, ٶزدەرٸ تاڭدايدى.
