QR Qarýly Kúshteri Bas shtaby basshysynyń orynbasary Serik Boranbaev arnaýly áskeri jiynǵa áielder qatysa ala ma degen suraqqa jaýap berdi, - dep habarlaidy QazAqparat.
«Bul jaǵdaida alda turǵan mindetterge bailanysty ákimdikter ózderi sheshim qabyldaidy. Meniń oiymsha, munda esh shekteý joq. Ákimdikterge airyqsha quziret pen sheshim qabyldaý quqyǵy berilgen. Eger sáikes mamandyqtar boiynsha qyzdar qajet bolsa, shaqyrý jibere alady», - dedi spiker Ortalyq kommýnikatsiialar qyzmetindegi brifingte.
Onyń aitýynsha, respýblika boiynsha 473 áskeri mindetti arnaýly jiynǵa shaqyrylǵan.
Aita keteiik, 2 sáýir kúni Memleket basshysy Qasym-Jomart Toqaev áskeri mindettilerdi arnaýly jiynǵa shaqyrý týraly Jarlyq shyǵarǵan edi.
Qazirgi ýaqytta Nur-Sultan, Almaty qalalarynda, Almaty, Qyzylorda, Pavlodar, Aqmola oblystarynda arnaýly jiyn bólimsheleri quryldy.
Aqtóbe, Atyraý oblystarynda áskeri mindettilerdi shaqyrý jalǵasýda. 13 sáýir kúni Shymkent qalasy men Qaraǵandy oblysynda, 14 sáýirde - SQO, 15 sáýirde - Jambyl, 17 sáýirde - Túrkistan oblysynda shaqyrý bastalady.
Al BQO, ShQO, Qostanai jáne Mańǵystaý oblystarynda arnaýly jiyn ótkizý máselesi qarastyrylmaǵan.
