QR Qarýly Kúshteri sapynda álimjettikti joiý jónindegi jumystardyń arqasynda osyndai jaǵdailardyń sany bir jylda 47%-ǵa tómendegen, dep habarlaidy "Ult aqparat" orǵanys ministrliginiń baspasóz qyzmetine silteme jasap.
QR Qarýly Kúshteri Bas shtaby Tárbie jáne ideologiialyq jumystar departamenti bastyǵynyń orynbasary polkovnik Ermiian Biatovtyń aitýynsha, búginde tańda ár laýazymdy tulǵanyń mansaby bólimshedegi tárbie jumysyn durys uiymdastyrýǵa bailanysty bolady. Iaǵni, laýazymdy kóterý, áskeri ataq alyp, akademiiaǵa túsý úshin bastyqtar osy máselege erekshe nazar aýdarýy kerek.
«Barlyq dárejedegi komandirler, sondai-aq serjanttar buǵan jeke basymen jaýap beredi. Olar áskeri qyzmetshiler arasyndaǵy tártipti qoldaýǵa barlyq kúsh-jigerin salady», - dedi Ermiian Biatov.
Eń aldymen barlyq áskeri qyzmetshiniń jaýyngerlik daiarlyǵy, sportty, bos ýaqyt pen tárbie is-sharalaryn qamtityn naqty kún tártibi turaqty túrde baqylanady. Jeke quramdy baqylaý úshin «Jaýyngerlik dos» júiesi engizilgen. Ol boiynsha ádette laýazymy men áskeri ataǵy boiynsha teń eki áskeri qyzmetshi bir-birine bekitiledi. Bul minez-qulyqtaǵy normadan aýytqý belgilerin ýaqtyly anyqtaýǵa jáne áskeri ujymda jaǵymsyz qylyqtardy aldyn alýǵa múmkindik beredi.
Sondai-aq, áskeri bólimderde Qorǵanys ministrligi ázirlegen oqý modýlderi boiynsha oqytý men tárbieleý jumystary júrgizilýde. Olarǵa ahýaldyq keister qosa beriledi. Onda qaqtyǵystardy ońtaily sheshý joldary, jarǵydan tys qarym-qatynastyń saldarynan oryn alatyn ahýaldar usynylǵan.
Osy baǵytta belsendi túsindirme jumystardy áskeri politsiia da júrgizedi. Eger tulǵa aralyq nemese qyzmettik máselelerdi sheshýde bireý kúsh qoldansa, quqyq qorǵaý organdary dereý áreket etedi.
«Qabyldanǵan uiymdastyrýshylyq sharalardy eskere otyryp, quqyqqa qarsy áreket jasaý jáne ony baiqamai qalý shyn máninde múmkin emes. Bólimderdegi beinebaqylaý júiesi barlyq nysan men úi-jailardy qamtidy. Kez kelgen jaraqat, anyqtalǵan jaǵdaida qyzmettik tekserý júrgiziledi, materialdar qaraý úshin áskeri politsiiaǵa jiberiledi», - deidi ol.
Tiimdi oilaityn jastar áskeri bilet alýdyń ornyna sottalýshynyń oryndyǵyna otyrǵyzylyp, ómir boiy sottalǵandyǵyn aishyqtaityn tańba taǵylatynyn anyq túsinedi. Jeke qurammen jumys isteitin ofitserler de, serjanttar da, qyzmetkerler de álimjettikke jol berse áleýmettik kepildikteri bar turaqty jumystan aiyrylýy múmkin.
