Májilistiń jalpy otyrysynda «Qazaqstan Respýblikasynyń Úkimeti men Armeniia Respýblikasynyń Úkimeti arasyndaǵy Armeniia Respýblikasyna munai ónimderin berý salasyndaǵy saýda-ekonomikalyq yntymaqtastyq týraly kelisimdi ratifikatsiialaý týraly» zań jobasy maquldandy, dep habarlaidy QazAqparat.
«2014 jylǵy 29 mamyrdaǵy Eýraziialyq ekonomikalyq odaq týraly shartqa sáikes, EAEO-nyń munai jáne munai ónimderiniń ortaq naryǵyn qalyptastyrý týraly halyqaralyq shart qabyldanǵanǵa deiin, Eýraziialyq ekonomikalyq odaqqa múshe memleketter arasynda munai jáne munai ónimderin jetkizý jekelegen ekijaqty kelisimdermen retteledi. 2020 jylǵy 16 shildede Nur-Sultan qalasynda Armeniia Respýblikasyna munai ónimderin berý salasyndaǵy saýda-ekonomikalyq yntymaqtastyq týraly kelisimge qol qoiyldy. Taraptar memleketteriniń sharýashylyq júrgizýshi sýbektileriniń ýákiletti uiymdardy tarta otyryp, Qazaqstan aýmaǵynan Armeniiaǵa jetkizilimderdi júzege asyrýy úshin Taraptar qajetti jaǵdailar jasaidy. Ózderińizge belgili, Eýraziialyq ekonomikalyq odaq elderi arasyndaǵy saýda eksporttyq kedendik baj salyǵyn tólemei, kedendik baqylaýsyz júzege asyrylady», - dedi QR Energetika ministri Bolat Aqsholaqov.
Onyń aitýynsha, osy kelisimde munai ónimderi saýdasynyń is júzindegi erekshe rejimi belgilengen jáne Qazaqstannan Armeniiaǵa munai ónimderin áketý kezindegi baqylaý tetikteri qamtylǵan. Osyndai tetikter artyq munai ónimderin Armeniianyń neǵurlym artyqshylyqty naryǵynda ótkizýge múmkindik beredi, bul munai ónimderiniń ishki teńgerimine oń áser etedi jáne Qazaqstannyń sharýashylyq júrgizýshi sýbektileriniń túsimin arttyrady.
«Sondai-aq Qazaqstan Respýblikasynan munai ónimderin áketýdi retke keltiredi jáne ishki naryqty Eýraziialyq ekonomikalyq odaq elderine munai ónimderiniń baqylaýsyz aǵynynan qorǵaidy. Bul rette, qajet bolǵan jaǵdaida, Kelisimde Qazaqstan ulttyq qaýipsizdikti qamtamasyz etý jáne ishki naryqty qorǵaý maqsatynda indikativtik teńgerimdermen bekitilgen kólemder asyp ketken jaǵdaida, fors-major jaǵdailarynda, sondai-aq Armeniia óz aýmaǵynan qazaqstandyq munai ónimderin úshinshi elderge jáne EAEO elderine áketý tyiymy boiynsha mindettemelerin buzǵan kezde, Qazaqstan birjaqty tártippen Armeniiaǵa munai ónimderin bajsyz jetkizýdi toqtata alady nemese shektei alatyny kózdelgen. Sondyqtan bizdiń ishki naryǵymyz úshin táýekelder joq», - dedi ministr.
Atap aitqanda, qujat aiasynda Qazaqstannyń ishki naryǵyn munai ónimderimen qamtamasyz etý basty basymdyq bolyp sanalatynyn atap ótken jón.
«Munai ónimderiniń jekelegen túrlerin óndirýdi jáne olardyń ainalymyn memlekettik retteý týraly» Zańǵa sáikes, ministrlik ai saiyn ishki naryqqa qaita óńdeý úshin munai jetkizý josparyn bekitedi jáne artyq munai ónimderi bolǵan jaǵdaida, Armeniiaǵa osyndai jetkizilimder júzege asyrylatyn bolady», - dedi Bolat Aqsholaqov.
