© Sputnik / Ramil Sitdikov
Qazaqstan azamaty kisi óltirýge oqtaldy degen kúdikpen Armeniiadan ekstraditsiialandy, dep habarlady Bas prokýratýra.
"Bas prokýratýra men Ishki ister ministrliginiń qyzmetkerleri Armeniiadaǵy elshiliktiń kómegimen buryn birneshe ret sottalǵan Qazaqstan azamatyn kisi óltirýge oqtalǵany úshin qylmystyq jaýapkershilikke tartý maqsatynda Erevannan ekstraditsiialady", - dep jazylǵan habarlamada.
Ol 2024 jyldyń qyrkúieginde Petropavl qalasynda mas kúide jábirlenýshiniń ómirlik mańyzdy organdaryna pyshaqpen birneshe ret jaraqat salǵan, onyń ómirin dárigerler saqtap qaldy.
Qylmys jasaǵannan keiin kúdikti qashyp ketken, sondyqtan oǵan halyqaralyq izdeý jariialanǵan.
Ótken jyldyń qazan aiynda ol Armeniia aýmaǵynda ustalyp, Qazaqstan Bas prokýratýrasynyń suraý salýy boiynsha otanyna ekstraditsiialanǵan.
Qazir kúdikti ýaqytsha tergeý izoliatoryna qamaldy.
Aita keteri, mundai qylmys úshin on bes jyldan jiyrma jylǵa deiingi merzimge bas bostandyǵynan aiyrý ne ómir boiyna bas bostandyǵynan aiyrý jazasy qarastyrylǵan.
