© Sputnik / راميل سيتديكوۆ
قازاقستان ازاماتى كٸسٸ ٶلتٸرۋگە وقتالدى دەگەن كٷدٸكپەن ارمەنييادان ەكستراديتسييالاندى, دەپ حابارلادى باس پروكۋراتۋرا.
"باس پروكۋراتۋرا مەن ٸشكٸ ٸستەر مينيسترلٸگٸنٸڭ قىزمەتكەرلەرٸ ارمەنيياداعى ەلشٸلٸكتٸڭ كٶمەگٸمەن بۇرىن بٸرنەشە رەت سوتتالعان قازاقستان ازاماتىن كٸسٸ ٶلتٸرۋگە وقتالعانى ٷشٸن قىلمىستىق جاۋاپكەرشٸلٸككە تارتۋ ماقساتىندا ەرەۆاننان ەكستراديتسييالادى", - دەپ جازىلعان حابارلامادا.
ول 2024 جىلدىڭ قىركٷيەگٸندە پەتروپاۆل قالاسىندا ماس كٷيدە جەبٸرلەنۋشٸنٸڭ ٶمٸرلٸك ماڭىزدى ورگاندارىنا پىشاقپەن بٸرنەشە رەت جاراقات سالعان, ونىڭ ٶمٸرٸن دەرٸگەرلەر ساقتاپ قالدى.
قىلمىس جاساعاننان كەيٸن كٷدٸكتٸ قاشىپ كەتكەن, سوندىقتان وعان حالىقارالىق ٸزدەۋ جارييالانعان.
ٶتكەن جىلدىڭ قازان ايىندا ول ارمەنييا اۋماعىندا ۇستالىپ, قازاقستان باس پروكۋراتۋراسىنىڭ سۇراۋ سالۋى بويىنشا وتانىنا ەكستراديتسييالانعان.
قازٸر كٷدٸكتٸ ۋاقىتشا تەرگەۋ يزولياتورىنا قامالدى.
ايتا كەتەرٸ, مۇنداي قىلمىس ٷشٸن ون بەس جىلدان جيىرما جىلعا دەيiنگi مەرزiمگە باس بوستاندىعىنان ايىرۋ نە ٶمiر بويىنا باس بوستاندىعىنان ايىرۋ جازاسى قاراستىرىلعان.
