Armeniia Premer-ministri Nikol Pashinian Erevannyń UQShU-ǵa qatysýyn ýaqytsha toqtatqanyn málimdedi. Bul týraly "Ult aqparat" EurasiaDaily basylymyna silteme jasap habarlaidy.
Suhbatta Nikol Pashinian Armeniiaǵa qatysty ujymdyq qaýipsizdik týraly shart oryndalmaǵanyn atap ótti.
"Bizdiń oiymyzsha, Armeniiaǵa qatysty ujymdyq qaýipsizdik týraly shart, ásirese, 2021-2022 jyldary oryndalmady jáne muny biz baiqamai qala almadyq. Biz osy shartqa qatysýymyzdy ýaqytsha toqtattyq. Ári qarai ne bolatynyn kóreiik", – dedi Pashinian suhbatynda.
Sonymen qatar Pashinian qazirgi ýaqytta Armeniia men Ázirbaijan arasyndaǵy beibitshilik "múmkin emes" dep málimdedi.
Aita keteiik, biyl qańtar aiynyń sońynda Armeniia Ázirbaijanǵa shabýyl jasamaý týraly kelisimge qol qoiýdy usyndy.
