Qazaqstan Elshisi Bolat Imanbaev Armeniia Prezidenti Vaagn Hachatýrianmen kezdesip, Prezident Qasym-Jomart Toqaevtyń «Jańa Qazaqstan: jańarý men jańǵyrý joly» atty Joldaýynyń negizgi qaǵidalary týraly habardar etti. Bul týraly QR Syrtqy ister ministrliginen málim etti, dep habarlaidy QazAqparat.
Óz kezeginde, V.Hachatýrian QR Prezidentiniń «Jańa Qazaqstandy» qurý jónindegi bastamalaryn joǵary baǵalady. Onyń aitýynsha, transformatsiialaý boiynsha usynylǵan reformalardy iske asyrý eldi zamanaýi jahandyq syn-qaterler jaǵdaiynda damýdyń jańa sapaly deńgeiine kóteredi. Qazaqstan basshylyǵynyń saiasatyna qoldaý bildire otyryp, ekonomikasy myqty áleýmettik memleket qurý jolyndaǵy qazaqstandyq tájiribe Armeniia úshin mańyzdy ekenin habarlady.
Sonymen qatar, taraptar saiasi, saýda-ekonomikalyq jáne mádeni-gýmanitarlyq salalardaǵy qazaqstan-armian yntymaqtastyǵyn damytý máselelerin, 2022 jyly ótetin halyqaralyq is-sharalar men joǵary jáne asa joǵary deńgeidegi ekijaqty kezdesýlerdiń kestesin talqylady.
Taraptar 2021 jyldyń qorytyndysy boiynsha 30 paiyzǵa ósken ekijaqty taýar ainalymynyń oń dinamikasyna nazar aýdaryp, iskerlik bailanystardy damytý jáne ortaq ekonomikalyq jobalardy iske asyrý boiynsha birlesken kúsh-jigerdi jalǵastyrýdyń mańyzdylyǵyn atap ótti.
Armeniia Prezidenti elderimiz arasyndaǵy ózara tiimdi qarym-qatynastardy odan ári nyǵaitýǵa daiyn ekenin málimdedi.
