قازاقستان ەلشٸسٸ بولات يمانباەۆ ارمەنييا پرەزيدەنتٸ ۆااگن حاچاتۋريانمەن كەزدەسٸپ, پرەزيدەنت قاسىم-جومارت توقاەۆتىڭ «جاڭا قازاقستان: جاڭارۋ مەن جاڭعىرۋ جولى» اتتى جولداۋىنىڭ نەگٸزگٸ قاعيدالارى تۋرالى حاباردار ەتتٸ. بۇل تۋرالى قر سىرتقى ٸستەر مينيسترلٸگٸنەن مەلٸم ەتتٸ, دەپ حابارلايدى قازاقپارات.
ٶز كەزەگٸندە, ۆ.حاچاتۋريان قر پرەزيدەنتٸنٸڭ «جاڭا قازاقستاندى» قۇرۋ جٶنٸندەگٸ باستامالارىن جوعارى باعالادى. ونىڭ ايتۋىنشا, ترانسفورماتسييالاۋ بويىنشا ۇسىنىلعان رەفورمالاردى ٸسكە اسىرۋ ەلدٸ زاماناۋي جاھاندىق سىن-قاتەرلەر جاعدايىندا دامۋدىڭ جاڭا ساپالى دەڭگەيٸنە كٶتەرەدٸ. قازاقستان باسشىلىعىنىڭ ساياساتىنا قولداۋ بٸلدٸرە وتىرىپ, ەكونوميكاسى مىقتى ەلەۋمەتتٸك مەملەكەت قۇرۋ جولىنداعى قازاقستاندىق تەجٸريبە ارمەنييا ٷشٸن ماڭىزدى ەكەنٸن حابارلادى.
سونىمەن قاتار, تاراپتار ساياسي, ساۋدا-ەكونوميكالىق جەنە مەدەني-گۋمانيتارلىق سالالارداعى قازاقستان-ارميان ىنتىماقتاستىعىن دامىتۋ مەسەلەلەرٸن, 2022 جىلى ٶتەتٸن حالىقارالىق ٸس-شارالار مەن جوعارى جەنە اسا جوعارى دەڭگەيدەگٸ ەكٸجاقتى كەزدەسۋلەردٸڭ كەستەسٸن تالقىلادى.
تاراپتار 2021 جىلدىڭ قورىتىندىسى بويىنشا 30 پايىزعا ٶسكەن ەكٸجاقتى تاۋار اينالىمىنىڭ وڭ ديناميكاسىنا نازار اۋدارىپ, ٸسكەرلٸك بايلانىستاردى دامىتۋ جەنە ورتاق ەكونوميكالىق جوبالاردى ٸسكە اسىرۋ بويىنشا بٸرلەسكەن كٷش-جٸگەردٸ جالعاستىرۋدىڭ ماڭىزدىلىعىن اتاپ ٶتتٸ.
ارمەنييا پرەزيدەنتٸ ەلدەرٸمٸز اراسىنداعى ٶزارا تيٸمدٸ قارىم-قاتىناستاردى ودان ەرٸ نىعايتۋعا دايىن ەكەنٸن مەلٸمدەدٸ.
