Foto: videodan skrinshot
Armeniianyń Premer-ministri Nikol Pashinian áleýmettik jelidegi paraqshasynda Astanadan túsirilgen videony qazaq ániniń fonynda jariialady, dep habarlaidy Ult.kz.
Videoda Pashinian terezeden kóringen Astana panoramasyn kórsetti. Rolik úshin ol qazaqstandyq BayanSulu tobynyń Aua rai atty ánin tańdaǵan. Rolik sońynda armeniialyq saiasatker qolymen “júrek” belgisin jasaidy.
«Qaiyrly tań, jaqsy kún tileimin jáne barshańyzdy jaqsy kóremin», – dep jazdy Pashinian.
Aita keteiik, 20 qarasha keshkisin Nikol Pashinian resmi saparymen Astanaǵa keldi. Áýejaida Armeniia Úkimet basshysyn Qazaqstannyń Premer-ministri Oljas Bektenov qarsy aldy. Sapar aiasynda 21 qarashada ekijaqty yntymaqtastyqtyń ózekti máseleleri boiynsha birneshe kezdesý josparlanǵan.
Buǵan deiin Aqorda Armeniia Premer-ministri Nikol Pashiniannyń Prezident Qasym-Jomart Toqaevtyń shaqyrýymen 20–21 qarasha kúnderi Qazaqstan astanasyna resmi saparmen keletinin habarlaǵan edi.
