Kollaj ozgeris.info
Belgili kompozitor Arman Dúisenovtiń jubaiy Aisulý Aidanqyzy, kúieýi qai jerde qaitys bolǵany týraly naqty málimet berdi. Ol bul týraly jýrnalist Rýslan Ótepbaiǵa bergen suhbatynda aitty, dep habarlaidy Ult.kz.
Buǵan deiin keibir aqparat kózderi, sonyń ishinde ánshi Indira Elemes, Arman Dúisenovtiń stýdiiada qaitys bolǵanyn aitqan edi.
Aisulý Aidanqyzy bul aqparattyń jalǵan ekenin atap ótti:
«Stýdiiada qaitys bolǵan joq. Men oǵan habarlastym, nege ondai suhbat berdińiz dep suradym. Ol kisi jaýap bermei, urysyp ketti», – deidi Aisulý Aidanqyzy.
Onyń aitýynsha, kúieýine tiesili zaýytta qaitys bolǵan.
«Armannyń júregi toqtap qaldy dep aitty. Sáken, Meirambek, Rinat Zaiytov aǵalar keldi. Táýelsiz sarapshy shaqyrǵanda denesinde eshqandai jaraqat bolmady», – dedi ol.
Uly Abylaidyń ólimi: tyń derekter ashyldy
Marqumnyń áieli Abylaidyń ólimine qatysty jańa málimetterdi de jariialady. Jýrnalist Rýslan Ótepbaiǵa bergen suhbatynda ol oqiǵanyń óz-ózine qol salý stsenariine múlde sáikes kelmeitinin aitty.
«Abylaidy óz páterimizden kórdim. Eki qoly arqasyna bailanǵan, aiaǵy jerde tur, moinynan aspaly shamǵa súiep qoiǵan. Ol asylyp turǵan joq», –deidi anasy.
Anasynyń aitýynsha, qoly arqasyna bailanǵan jaǵdaida ózdiginen ólimi múmkin emes:
«Qoldy artqa bailap, óz-ózine qol salý múmkin emes», – dep naqtylady ol.
Bastapqyda bul is kisi óltirý babymen tirkelgen, keiin belgisiz sebeptermen ózgertilgen. Aisulý Aidanqyzy tergeýshilerdiń qylmyskerlerdi izdemei, tek onymen kúresip júrgenin jetkizdi.
Páter daýy men materialdyq máseleler
Aisulý Aidanqyzy kompozitor otbasynyń materialdyq daýy men páter máselesi týraly da aitty.
«Páterdiń naqty baǵasy – 140 million teńge. Al Muqash Sanjar «65 million berdim» deidi. Sol kezde nege bútin páterdi óz atyna aýdarǵysy keledi? Maǵan aqsha tabý kerek dedi», – dedi Aisulý Aidanqyzy.
Ulynyń qyrqyna tolmai jatyp, álgi adam páterdi bosatýdy talap etken.
«Abylaidyń qyryq kúni ótpei jatyp, telefony áli ashylmaǵan edi. Sol kezde dosy arqyly habar jiberipti: «40 kún ótsin, sosyn páterdi bosatsyn» dedi. Men Sanjarmen sóilestim, ol: «Iá, bosatyńyz. Aqsha tabýym kerek» dedi. Esh uialmady», – dep naqtylady marqumnyń áieli.
Ánshi Indira Elemestiń aitary...
Osy oraida ánshi Indira Elemes Instagram paraqshasynda marqum sazger Arman Dúisenovtiń jary Aisulý Aidanqyzyna qatysty jazba jariialady. Ánshiniń sózinshe, suhbatta onyń sózderi burmalanǵan, saldarynan qoǵamda qate pikir qalyptasyp otyr.
«KTK arnasyn nege qazbalamaisyzdar? Meniń aýzymnan “stýdiiada qaitys boldy» degen sóz shyqpady. Aisulý, olai burmalaýdyń qajeti joq. KTK arnasy barlyq videony kórsetsin, sonda qalai aitylǵanyn kóresizder. Jeter endi, ne úshin bul jerde turdy kúieýińiz, sony aitpadyńyz ba? Meniń aitpaǵan sózime ainalyp kelip qadala bermei, óz ómirińizdi súrińiz. Ne aitsa da, naqty faktpen sóilesin!» – dep jazǵan ol.
Eske salaiyq, buǵan deiin Qazaqstannyń belgili sazgeri marqum Arman Dúisenovtiń jary Aisulý Aidanqyzy «TalkLike» baǵdarlamasyna bergen suhbatynda kompozitordyń ólimine qatysty saýaldarǵa alǵash ret ashyq jaýap berip, kompozitordyń jertólede emes, zaýytta kóz jumǵanyn aitqany aitqan edi.
