كوللاج ozgeris.info
بەلگٸلٸ كومپوزيتور ارمان دٷيسەنوۆتٸڭ جۇبايى ايسۇلۋ ايدانقىزى, كٷيەۋٸ قاي جەردە قايتىس بولعانى تۋرالى ناقتى مەلٸمەت بەردٸ. ول بۇل تۋرالى جۋرناليست رۋسلان ٶتەپبايعا بەرگەن سۇحباتىندا ايتتى, دەپ حابارلايدى Ult.kz.
بۇعان دەيٸن كەيبٸر اقپارات كٶزدەرٸ, سونىڭ ٸشٸندە ەنشٸ ينديرا ەلەمەس, ارمان دٷيسەنوۆتٸڭ ستۋدييادا قايتىس بولعانىن ايتقان ەدٸ.
ايسۇلۋ ايدانقىزى بۇل اقپاراتتىڭ جالعان ەكەنٸن اتاپ ٶتتٸ:
«ستۋدييادا قايتىس بولعان جوق. مەن وعان حابارلاستىم, نەگە ونداي سۇحبات بەردٸڭٸز دەپ سۇرادىم. ول كٸسٸ جاۋاپ بەرمەي, ۇرىسىپ كەتتٸ», – دەيدٸ ايسۇلۋ ايدانقىزى.
ونىڭ ايتۋىنشا, كٷيەۋٸنە تيەسٸلٸ زاۋىتتا قايتىس بولعان.
«ارماننىڭ جٷرەگٸ توقتاپ قالدى دەپ ايتتى. سەكەن, مەيرامبەك, رينات زايىتوۆ اعالار كەلدٸ. تەۋەلسٸز ساراپشى شاقىرعاندا دەنەسٸندە ەشقانداي جاراقات بولمادى», – دەدٸ ول.
ۇلى ابىلايدىڭ ٶلٸمٸ: تىڭ دەرەكتەر اشىلدى
مارقۇمنىڭ ەيەلٸ ابىلايدىڭ ٶلٸمٸنە قاتىستى جاڭا مەلٸمەتتەردٸ دە جارييالادى. جۋرناليست رۋسلان ٶتەپبايعا بەرگەن سۇحباتىندا ول وقيعانىڭ ٶز-ٶزٸنە قول سالۋ ستسەناريٸنە مٷلدە سەيكەس كەلمەيتٸنٸن ايتتى.
«ابىلايدى ٶز پەتەرٸمٸزدەن كٶردٸم. ەكٸ قولى ارقاسىنا بايلانعان, اياعى جەردە تۇر, موينىنان اسپالى شامعا سٷيەپ قويعان. ول اسىلىپ تۇرعان جوق», –دەيدٸ اناسى.
اناسىنىڭ ايتۋىنشا, قولى ارقاسىنا بايلانعان جاعدايدا ٶزدٸگٸنەن ٶلٸمٸ مٷمكٸن ەمەس:
«قولدى ارتقا بايلاپ, ٶز-ٶزٸنە قول سالۋ مٷمكٸن ەمەس», – دەپ ناقتىلادى ول.
باستاپقىدا بۇل ٸس كٸسٸ ٶلتٸرۋ بابىمەن تٸركەلگەن, كەيٸن بەلگٸسٸز سەبەپتەرمەن ٶزگەرتٸلگەن. ايسۇلۋ ايدانقىزى تەرگەۋشٸلەردٸڭ قىلمىسكەرلەردٸ ٸزدەمەي, تەك ونىمەن كٷرەسٸپ جٷرگەنٸن جەتكٸزدٸ.
پەتەر داۋى مەن ماتەريالدىق مەسەلەلەر
ايسۇلۋ ايدانقىزى كومپوزيتور وتباسىنىڭ ماتەريالدىق داۋى مەن پەتەر مەسەلەسٸ تۋرالى دا ايتتى.
«پەتەردٸڭ ناقتى باعاسى – 140 ميلليون تەڭگە. ال مۇقاش سانجار «65 ميلليون بەردٸم» دەيدٸ. سول كەزدە نەگە بٷتٸن پەتەردٸ ٶز اتىنا اۋدارعىسى كەلەدٸ? ماعان اقشا تابۋ كەرەك دەدٸ», – دەدٸ ايسۇلۋ ايدانقىزى.
ۇلىنىڭ قىرقىنا تولماي جاتىپ, ەلگٸ ادام پەتەردٸ بوساتۋدى تالاپ ەتكەن.
«ابىلايدىڭ قىرىق كٷنٸ ٶتپەي جاتىپ, تەلەفونى ەلٸ اشىلماعان ەدٸ. سول كەزدە دوسى ارقىلى حابار جٸبەرٸپتٸ: «40 كٷن ٶتسٸن, سوسىن پەتەردٸ بوساتسىن» دەدٸ. مەن سانجارمەن سٶيلەستٸم, ول: «يە, بوساتىڭىز. اقشا تابۋىم كەرەك» دەدٸ. ەش ۇيالمادى», – دەپ ناقتىلادى مارقۇمنىڭ ەيەلٸ.
ەنشٸ ينديرا ەلەمەستٸڭ ايتارى...
وسى ورايدا ەنشٸ ينديرا ەلەمەس Instagram پاراقشاسىندا مارقۇم سازگەر ارمان دٷيسەنوۆتٸڭ جارى ايسۇلۋ ايدانقىزىنا قاتىستى جازبا جارييالادى. ەنشٸنٸڭ سٶزٸنشە, سۇحباتتا ونىڭ سٶزدەرٸ بۇرمالانعان, سالدارىنان قوعامدا قاتە پٸكٸر قالىپتاسىپ وتىر.
«كتك ارناسىن نەگە قازبالامايسىزدار? مەنٸڭ اۋزىمنان “ستۋدييادا قايتىس بولدى» دەگەن سٶز شىقپادى. ايسۇلۋ, ولاي بۇرمالاۋدىڭ قاجەتٸ جوق. كتك ارناسى بارلىق ۆيدەونى كٶرسەتسٸن, سوندا قالاي ايتىلعانىن كٶرەسٸزدەر. جەتەر ەندٸ, نە ٷشٸن بۇل جەردە تۇردى كٷيەۋٸڭٸز, سونى ايتپادىڭىز با? مەنٸڭ ايتپاعان سٶزٸمە اينالىپ كەلٸپ قادالا بەرمەي, ٶز ٶمٸرٸڭٸزدٸ سٷرٸڭٸز. نە ايتسا دا, ناقتى فاكتپەن سٶيلەسٸن!» – دەپ جازعان ول.
ەسكە سالايىق, بۇعان دەيٸن قازاقستاننىڭ بەلگٸلٸ سازگەرٸ مارقۇم ارمان دٷيسەنوۆتٸڭ جارى ايسۇلۋ ايدانقىزى «TalkLike» باعدارلاماسىنا بەرگەن سۇحباتىندا كومپوزيتوردىڭ ٶلٸمٸنە قاتىستى ساۋالدارعا العاش رەت اشىق جاۋاپ بەرٸپ, كومپوزيتوردىڭ جەرتٶلەدە ەمەس, زاۋىتتا كٶز جۇمعانىن ايتقانى ايتقان ەدٸ.
