QR Premer-Ministri Baqytjan Saǵyntaev Qostanai oblysy aktivimen kezdesti, dep habarlaidy QazAqparat tilshisi.
Baqytjan Saǵyntaevtyń oblys aktivimen, iri jáne shaǵyn biznes ókilderimen kezdesýi Elbasynyń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» Joldaýyn iske asyrýǵa arnaldy. Kún tártibinde oblys ákiminiń ekonomikalyq ósimniń jańa modelin qalyptastyrý boiynsha atqarǵan jumystary, ekonomikanyń jańa sektorlarynyń damýy,eńbek resýrstaryn basqarý, kadr daiyndaý jáne qaita daiarlaý, básekeke qabiletti biznesti qalyptastyrý máseleleri qaraldy.
Aldymen, oblys ákimi Arhimed Muhambetovtiń esebi tyńdaldy.
«2017 jyldyń kórsetkishi boiynsha jalpy óńirlik ónim kólemi 104,9% teń. Barlyǵy áleýetti 40 jobaǵa investitsiia tartyldy. Onyń 22-si indýstriia salasyna tiesili. Negizi 2018 jyldyń 4 aiy boiynsha negizgi makroekonomikalyq kórsetkishterdiń ósýi baiqaldy. Ásirese, qurylys jumystary men bólshek saýda salasynyń paiyzdyq úlesi joǵary», - dedi A.Muhambetov.
Sondai-aq, oblys basshysy óńirde sheshimin tappai turǵan birneshe máselege toqtaldy.
«Qazirgi ýaqytta oblysta tórt másele sheshilmei tur. Áýeli, Arqalyq qalasyna mazýt otynyn satyp alý úshin respýblikalyq biýdjetten 1 mlrd teńge bólinýin suraimyz. Rýdnyi tsement zaýytyna respýblikalyq biýdjetten 547 mln teńge qajet. Sonymen qatar Áýejai, Iýbileinyi aýdandary men 4 aýyldaǵy mektepterdiń qurylysyn aiaqtaý jumystary da qarjyǵa tirelip otyr. Osy máseleler sheshilse, birneshe turaqty jumys orny ashylýy tiis», - dedi A.Muhambetov.
Baqytjan Saǵyntaev oblys ákiminiń saýalyn Úkimet jiynynda qaraýǵa ýáde ótti.
.jpeg)