Oblys basshysy Arhimed Muhambetov paramen ustalǵan Áýliekól aýdanynyń ákimine qatysty Instagram jelisinde pikir bildirdi, dep habarlaidy QazAqparat.
«Qurmetti oqyrmandar, buqaralyq aqparat quraldarynan Áýliekól aýdanynyń ákimi Ashat Kisikovty sybailas jemqorlyqqa qarsy qyzmet ustaǵanyn bilesizder. Qazirgi ýaqytta barlyq quzyretti organdar óz túsiniktemelerin berdi. Árine, bul jaǵdai meni de alańdatady. Sot sheshimi kúshine engenge deiin men túsiniktemelerden qalys qalamyn. Degenmen, barlyq memlekettik qyzmetshilerge sybailas jemqorlyq qylmysyn jasamaýdy eskertemin», - dep jazdy oblys basshysy.
Sonymen qatar, Arhimed Muhambetov quzyretti organdarǵa qoldanystaǵy komissiia sheńberinde sybailas jemqorlyqqa qarsy is-qimyl jónindegi jumysty kúsheitýge tapsyrma berdi.
Eske salsaq, Qostanai oblysy sybailas jemqorlyqqa qarsy is-qimyl departamenti oblystaǵy Áýliekól aýdany ákiminiń para alý faktisin anyqtady.
