وبلىس باسشىسى ارحيمەد مۇحامبەتوۆ پارامەن ۇستالعان ەۋليەكٶل اۋدانىنىڭ ەكٸمٸنە قاتىستى Instagram جەلٸسٸندە پٸكٸر بٸلدٸردٸ, دەپ حابارلايدى قازاقپارات.
«قۇرمەتتٸ وقىرماندار, بۇقارالىق اقپارات قۇرالدارىنان ەۋليەكٶل اۋدانىنىڭ ەكٸمٸ اسحات كيسيكوۆتى سىبايلاس جەمقورلىققا قارسى قىزمەت ۇستاعانىن بٸلەسٸزدەر. قازٸرگٸ ۋاقىتتا بارلىق قۇزىرەتتٸ ورگاندار ٶز تٷسٸنٸكتەمەلەرٸن بەردٸ. ەرينە, بۇل جاعداي مەنٸ دە الاڭداتادى. سوت شەشٸمٸ كٷشٸنە ەنگەنگە دەيٸن مەن تٷسٸنٸكتەمەلەردەن قالىس قالامىن. دەگەنمەن, بارلىق مەملەكەتتٸك قىزمەتشٸلەرگە سىبايلاس جەمقورلىق قىلمىسىن جاساماۋدى ەسكەرتەمٸن», - دەپ جازدى وبلىس باسشىسى.
سونىمەن قاتار, ارحيمەد مۇحامبەتوۆ قۇزىرەتتٸ ورگاندارعا قولدانىستاعى كوميسسييا شەڭبەرٸندە سىبايلاس جەمقورلىققا قارسى ٸس-قيمىل جٶنٸندەگٸ جۇمىستى كٷشەيتۋگە تاپسىرما بەردٸ.
ەسكە سالساق, قوستاناي وبلىسى سىبايلاس جەمقورلىققا قارسى ٸس-قيمىل دەپارتامەنتٸ وبلىستاعى ەۋليەكٶل اۋدانى ەكٸمٸنٸڭ پارا الۋ فاكتٸسٸن انىقتادى.
