Búgin Qostanai oblysynyń ákimi Arhimed Muhambetov óńirdegi qala jáne aýdan ákimderimen selektorlyq keńes ótkizip, birqatar tapsyrma berdi, dep habarlaidy "Ult auparat" oblys ákiminiń baspasóz qyzmetine silteme jasap.
Keńes barysynda áleýmettik mańyzy bar azyq-túlik taýarlarynyń baǵasyn ustap turý boiynsha qabyldanyp jatqan sharalar qarastyryldy. Arhimed Muhambetovtiń aitýynsha, oblys turǵyndary azyq-túlik taýarlarymen tolyq qamtamasyz etiledi. Aita keteiik, áleýmettik jelide óńirde áleýmettik azyq-túliktiń jetispei jatqany týraly habarlama taraǵan bolatyn.
«2020 jyldyń basynan bastap áleýmettik mańyzy bar azyq-túlik taýarlaryna baǵa indeksi 107,1%-dy qurady. Áleýmettik mańyzy bar azyq-túlik taýarlarynyń baǵasyn turaqtandyrý tetikterin iske asyrýǵa 1,4 mlrd teńge bólindi. Áleýmettik mańyzy bar azyq-túlik taýarlarynyń qory qalyptastyryldy, turaqtandyrý qoryna 14 túrli ónim satyp alyndy. Oblys aýmaǵynda satylatyn taýarlyq interventsiialar júrgizilip jatyr. Turaqtandyrý qory únemi tolyqtyrylyp otyrady», - dedi óńir ákimi.
Arhimed Muhambetov aýdan-qalalardyń ákimderine áleýmettik mańyzy bar azyq-túlik taýarlarynyń baǵasyn ustap turý boiynsha turaqty negizde sharalar ótkizýdi tapsyrdy.
