- «Berel» arheologiialyq zertteý jobasynyń qatysýshysy, Materialdyq qundylyqtar tarihy inýstitýtynyń professory Nikolai Bokovenko búgin Óskemende ótken «Altai - túrik áleminiń altyn besigi» atty ǵylymi-tájiribelik konferentsiianyń jalpy otyrysynyń aldynda, ol «ómirinde alǵash ret memlekettiń óz tarihyn saqtaýǵa degen shynaiy qamqorlyǵyn kórgenin» málim etti.
Áńgime arheologiialyq qazba jumystary júrgizilgen patshalar ańǵary atanǵan Berel qorǵanyn qorǵaityn áinekten sarkofag turǵyzý jaiynda boldy. Reseilik ǵalym Altai ólkesindegi qyzyqty tarihi qundylyǵy bar arheologiialyq qazba jádigerler men tarihi mádeniettiń sol kezdegi halyqtarǵa áseri men yqpalyna toqtaldy.
Áriptesiniń aitqanyna qosyla otyryp Berel jobasynyń jetekshisi professor Zeinolla Samashev qorǵandy qorǵaityn konstrýktsiia qazba jumystaryna kedergi jasamai birge júrgizilgenin aityp ótti. Ol osyndai qorǵanys sarkofagi Eýraziiada alǵashqy bolyp ashyq aspan astyndaǵy ulttyq murajai qurýǵa sebepshi bolǵanyn atap ótti.
Jalpy otyrysta ǵalymdar arheologiianyń, ShQO-da tabylǵan sirek mádeni muralardy saqtaý jáne mýzeige ainaldyrý máselelerin keńinen talqylady.
Óńir basshysy Danial Ahmetov konferentsiia barysynda Shyǵys Qazaqstan oblysynda ǵylymi-zertteý jumystaryn júrgizý barysynda zerttelgen nysandardy IýNESKO dúniejúzilik muralar tizimine engizý úshin teoriialyq negiz daiyndap qana qoimai, oblystyń mádeni brendin qalyptastyrýǵa, týristik áleýetin ilgeriletýge múmkinshilik beretinin atap ótti. Ol oblysta júrgizilgen qazba kezinde tabylǵan jádigerlerliń barlyǵy óńirde qaldyrylyp, tarihi-ólkelik murajai qoryna beriletindigin jetkizdi.
