Tanymal arheolog Andrei Astafev Kaspii teńizinde 200 jyldan astam ýaqyt buryn bolǵan kemeniń burandalary men shegelerin tapty, dep habarlaidy Mańǵystaý oblysy ákiminiń baspasóz qyzmeti.
Eski kemeniń qaldyqtary Túlkili sai eldi mekenindegi Túrqaraǵan aýdanynda teńiz túbinde buǵyp jatqan.
Arheologtyń málimetinshe, keme HVIII ǵasyrdyń aiaǵynda Kaspii teńizinde qiraǵan. Kemeniń aǵash bólshekteri sý betinde qalqyp, ýaqyt óte kele joiylǵan bolsa, temir jabdyqtary sý túbine shókken. Jyldar ótken soń, sý deńgeii ózgerýine bailanysty bul jádiger qurǵaq jaǵalaýda qalyp qoiǵan.
Andrei Astafev bul oljany Ábish Kekilbaev atyndaǵy Mańǵystaý oblystyq tarihi-ólketaný mýzeiiniń qoryna tapsyrdy.
Bul arheologtyń mýzeige tartý etken jalǵyz jádigeri emes. Qaraqabaq qalasynda ótken arheologiialyq qazba jumystary kezinde ol úńgirden arqan men ilmek taýyp alǵan. Bul sýǵa ketken sol kemeniń jabdyqtary bolar degen boljam bar. Keme birneshe ǵasyr buryn salynǵanyna qaramastan, bul bólshekter qurǵaqta qalyp qoiǵandyqtan jaqsy saqtalǵan.
