تانىمال ارحەولوگ اندرەي استافەۆ كاسپيي تەڭٸزٸندە 200 جىلدان استام ۋاقىت بۇرىن بولعان كەمەنٸڭ بۇراندالارى مەن شەگەلەرٸن تاپتى, دەپ حابارلايدى ماڭعىستاۋ وبلىسى ەكٸمٸنٸڭ باسپاسٶز قىزمەتٸ.
ەسكٸ كەمەنٸڭ قالدىقتارى تٷلكٸلٸ ساي ەلدٸ مەكەنٸندەگٸ تٷرقاراعان اۋدانىندا تەڭٸز تٷبٸندە بۇعىپ جاتقان.
ارحەولوگتىڭ مەلٸمەتٸنشە, كەمە حVIII عاسىردىڭ اياعىندا كاسپيي تەڭٸزٸندە قيراعان. كەمەنٸڭ اعاش بٶلشەكتەرٸ سۋ بەتٸندە قالقىپ, ۋاقىت ٶتە كەلە جويىلعان بولسا, تەمٸر جابدىقتارى سۋ تٷبٸنە شٶككەن. جىلدار ٶتكەن سوڭ, سۋ دەڭگەيٸ ٶزگەرۋٸنە بايلانىستى بۇل جەدٸگەر قۇرعاق جاعالاۋدا قالىپ قويعان.
اندرەي استافەۆ بۇل ولجانى ەبٸش كەكٸلباەۆ اتىنداعى ماڭعىستاۋ وبلىستىق تاريحي-ٶلكەتانۋ مۋزەيٸنٸڭ قورىنا تاپسىردى.
بۇل ارحەولوگتىڭ مۋزەيگە تارتۋ ەتكەن جالعىز جەدٸگەرٸ ەمەس. قاراقاباق قالاسىندا ٶتكەن ارحەولوگييالىق قازبا جۇمىستارى كەزٸندە ول ٷڭگٸردەن ارقان مەن ٸلمەك تاۋىپ العان. بۇل سۋعا كەتكەن سول كەمەنٸڭ جابدىقتارى بولار دەگەن بولجام بار. كەمە بٸرنەشە عاسىر بۇرىن سالىنعانىنا قاراماستان, بۇل بٶلشەكتەر قۇرعاقتا قالىپ قويعاندىقتان جاقسى ساقتالعان.
