«Turkistan» arnaiy ekonomikalyq aimaqtyń injenerlik infraqurylymnyń qurylysynyń ekinshi kezeńi júzege asýda, dep habarlaidy «Ult aqparat» oblys ákimdiginiń baspasóz qyzmetine silteme jasap.
Túrkistan oblysynyń ákimi Darhan Satybaldy Oranǵai aýylynda ornalasqan aýmaǵy 365 ga quraityn arnaiy ekonomikalyq aimaqta boldy. Ondaǵy gaz, jol, sý, jylý men káriz júiesiniń qurylysynyń jai-kúiimen tanysty. Munda órt sóndirý deposy, bailanys júiesi, baqylaý ótkizý beketiniń qurylysy josparlanǵan. 23 shq.gaz qubyry júrgizilip, jumystar jalǵasýda.
Sonymen birge abattanttyrý jumystaryn júrgiziledi. Túrkistan oblysynyń ákimi Darhan Satybaldy óndiris alyptaryna arnalǵan aýmaqtyń jumysymen tanysty. Jumys barysyn baqylap, jaýapty sala basshylaryna naqty tapsyrmalar berdi. Oblys basshysy ekonomikanyń negizgi tetigi sanalatyn ekonomikalyq aimaqty damytý úshin investitsiialyq ahýaldyń da tartymdy, turaqty, júieli bolýyn aitty.
«Turkistan» arnaiy ekonomikalyq aimaqta biznesin ashýǵa nietti kásipkerlerge barlyq jaǵdai jasaýǵa mindettimiz. Biz usynatyn múmkindik óte qolaily bolýy tiis. Tarif tómen, múmkindik mol bolýy qajet. Eń aldymen arnaiy ekonomikalyq aimaqta ornalasatyn jańa jobalar úshin infraqurylymdy damytýdyń mańyzdylyǵy basym», - dedi oblys ákimi Darhan Satybaldy.
Oblys ákimi kásipkerlerdi qorǵaityn jáne damytatyn, ótkizý naryǵyna jol ashatyn, ónimdilikti ulǵaityp, qazaqstandyq ónimniń sapasy men básekege qabilettiligin arttyratyn tiimdi ónerkásip saiasatyn, sonymen qatar, ashyq ári pragmatikalyq salyqtyq-biýdjettik saiasat qalyptastyrý kerektigine nazar aýdardy. Indýstriialandyrý kartasy aiasynda ekonomikalyq aimaqtyń tabysty damýyna jańa serpin beretin ónerkásipter men aimaqtardyń infraqurylymyn jandandyrý máselelerine basymdyq beriledi.
Bul aimaqtar – óndiriske investitsiia tartýdyń negizgi alańdarynyń biri. Sebebi, onyń aýmaǵynda ornalasqan kásiporyndarǵa memleket tarapynan kóptegen jeńildikter usynylady. Atap aitqanda, kásiporyn ashý úshin investorǵa barlyq infraqurylym jelileri júrgizilgen jer telimi tegin beriledi. Oǵan qosa mundaǵy kompaniialar jer salyǵy, múlik salyǵy men korporativti tabys salyǵynan bosatylady. AEA aýmaǵynda taýar óndirýshilerge elektr qýaty arzandatylǵan tarifpen beriledi.
«Turkistan» arnaiy ekonomikalyq aimaqta jalpy quny 650,772 mlrd. teńge turatyn 91 joba júzege asady. Búginde 65 jobanyń iske qosylýynan 2 myńǵa jýyq jumys orny ashylǵan. Barlyq joba boiynsha 8 myńǵa jýyq adam jumysqa ornalasady.
