Arqalyqta JEO biyl mazýttan kómirge aýysady. Bul týraly Qostanai oblysynyń ákimdiginde selektorlyq keńes kezinde óńirdiń Energetika jáne turǵyn úi-kommýnaldyq sharýashylyq basqarmasynyń basshysy Dáýren Asqarov málim etti, dep habarlaidy "Ult aqparat".
«Biyl «Arqalyq qalasynyń jylýmen jabdyqtaý júiesin 2030 jylǵa deiin qaita qurý» nysanyn paidalanýǵa berý josparlanǵan jáne Arqalyq JEO kómirmen jumys istei bastaidy. Bul maqsatqa qurylys-montaj jumystaryn aiaqtaýǵa respýblikalyq biýdjetten 3 714,5 mln teńge bólindi. Budan basqa, Arqalyq JEO-daǵy tútin murjasyn qaita jańartý jáne iske qosý jumystaryn júrgizý josparlanýda», - dep habarlady Asqarov.
Jańartylǵan JEO-ny paidalaný aldaǵy 2021-2022 jylǵy jylý berý maýsymyna josparlanǵandyqtan, Arqalyq JEO-ǵa oblystyq biýdjetten 48 myń tonnadan astam kómir satyp alýǵa 500 mln teńge somasynda qarjy bólindi.
«Arqalyq qalasynyń ákimdigi «Arqalyq qalasynyń jylýmen jabdyqtaý júiesin 2030 jylǵa deiin qaita qurý» jobalary boiynsha qurylys-montaj jumystaryn ýaqytyly jáne sapaly oryndaý jáne Arqalyq JEO-da iske qosý jumystaryn júrgizý máselesin erekshe baqylaýda ustaý qajet», - dep qorytyndylady vedomstvo basshysy.
