Arqalyq politseileri kóshede balalardy ańdyǵan adamdy ustady, - dep habarlaidy Tengrinews.kz saity.
23 qańtarda toǵyz jastaǵy qyz jáne tórt jasar bala alańda oinaǵan. Saǵat 19:00 shamasynda úiine qaitqanda, dúkennen orta jastaǵy er kisini kezdestirgen.
"Er kisi balanyń esimin suraǵan, sodan keiin onyń qolynan ustap, jibermei, ony ózine qarai tartqan. Ekinshi jaǵynan balany ápkesi tartyp jatyr. Balalar qashyp úlgerdi. Sodan keiin olar tez arada aǵylshyn tili ortalyǵyna qarai bet alyp, ishke kirdi. Er adam olardyń sońynan ergen. Ol birinshi qabatta turyp, kútip, balanyń atyn ataǵan. Osy kezde balalar ekinshi qabatqa kóterilip, muǵalimge aitqan. Janynan eresek adamdardy kórgende, er kisi ǵimarattan shyǵyp ketken", - delingen Instagram-daǵy arkalyk.news jazbasynda.
Arqalyq politsiiasy er kisi ákimshilik jaýapkershilikke tartylǵanyn habarlady.
"Qazir qala turǵyny QR ákimshilik quqyq buzýshylyq týraly kodekstiń 449-baby "Qoǵamdyq oryndarda tiisý" boiynsha ákimshilik jaýapkershilikke tartyldy. Jaǵdai iývenaldy politseilerdiń baqylaýynda", - delingen habarlamada.
