ارقالىق پوليتسەيلەرٸ كٶشەدە بالالاردى اڭدىعان ادامدى ۇستادى, - دەپ حابارلايدى Tengrinews.kz سايتى.
23 قاڭتاردا توعىز جاستاعى قىز جەنە تٶرت جاسار بالا الاڭدا ويناعان. ساعات 19:00 شاماسىندا ٷيٸنە قايتقاندا, دٷكەننەن ورتا جاستاعى ەر كٸسٸنٸ كەزدەستٸرگەن.
"ەر كٸسٸ بالانىڭ ەسٸمٸن سۇراعان, سودان كەيٸن ونىڭ قولىنان ۇستاپ, جٸبەرمەي, ونى ٶزٸنە قاراي تارتقان. ەكٸنشٸ جاعىنان بالانى ەپكەسٸ تارتىپ جاتىر. بالالار قاشىپ ٷلگەردٸ. سودان كەيٸن ولار تەز ارادا اعىلشىن تٸلٸ ورتالىعىنا قاراي بەت الىپ, ٸشكە كٸردٸ. ەر ادام ولاردىڭ سوڭىنان ەرگەن. ول بٸرٸنشٸ قاباتتا تۇرىپ, كٷتٸپ, بالانىڭ اتىن اتاعان. وسى كەزدە بالالار ەكٸنشٸ قاباتقا كٶتەرٸلٸپ, مۇعالٸمگە ايتقان. جانىنان ەرەسەك ادامداردى كٶرگەندە, ەر كٸسٸ عيماراتتان شىعىپ كەتكەن", - دەلٸنگەن Instagram-داعى arkalyk.news جازباسىندا.
ارقالىق پوليتسيياسى ەر كٸسٸ ەكٸمشٸلٸك جاۋاپكەرشٸلٸككە تارتىلعانىن حابارلادى.
"قازٸر قالا تۇرعىنى قر ەكٸمشٸلٸك قۇقىق بۇزۋشىلىق تۋرالى كودەكستٸڭ 449-بابى "قوعامدىق ورىنداردا تيٸسۋ" بويىنشا ەكٸمشٸلٸك جاۋاپكەرشٸلٸككە تارتىلدى. جاعداي يۋۆەنالدى پوليتسەيلەردٸڭ باقىلاۋىندا", - دەلٸنگەن حابارلامادا.
