Karantinge qaramastan úiine qonaq shaqyrǵan 30 jastaǵy aqtóbelik ákimshilik jaýapqa tartylady, dep habarlaidy "Ult aqparat".
Aqtóbe oblysy boiynsha tótenshe jaǵdai rejimin buzǵan 267 fakti tirkeldi. Ákimshilik quqyqbuzýshylyq týraly kodekstiń «TJ rejimin buzý» baby boiynsha 55 adam qamalyp, 107 turǵyn aiyppul tóledi. Al Kodekstiń «TJ jaǵdaiynda quqyq tártibin buzýǵa itermeleitin is-áreketter» baby boiynsha 6 adam qamaldy.
«Blokposttardy zańsyz ainalyp ótpek bolǵan 4 adam qamaldy. Ekeýine aiyppul salynyp, 9 material sotqa jiberildi. Sonymen birge politsiia qyzmetkerleri volonterlermen birge kún saiyn qalanyń kósheleri men aýlalaryn baqylap júr. 7 sáýir kúni 30 jastaǵy aqtóbelik óz úiinde áriptesterin jinap qonaq qylǵan. Politsiia qyzmetkerleri ÁQBtK-niń 476-baby 6-tarmaǵy boiynsha ákimshilik hattama toltyrdy. Material Aqtóbe qalasynyń mamandandyrylǵan ákimshilik sotyna jiberildi», - dedi oblystyq PD baspasóz qyzmetiniń jetekshisi Erbolat Sarqulov.
