كارانتينگە قاراماستان ٷيٸنە قوناق شاقىرعان 30 جاستاعى اقتٶبەلٸك ەكٸمشٸلٸك جاۋاپقا تارتىلادى, دەپ حابارلايدى "ۇلت اقپارات".
اقتٶبە وبلىسى بويىنشا تٶتەنشە جاعداي رەجيمٸن بۇزعان 267 فاكتٸ تٸركەلدٸ. ەكٸمشٸلٸك قۇقىقبۇزۋشىلىق تۋرالى كودەكستٸڭ «تج رەجيمٸن بۇزۋ» بابى بويىنشا 55 ادام قامالىپ, 107 تۇرعىن ايىپپۇل تٶلەدٸ. ال كودەكستٸڭ «تج جاعدايىندا قۇقىق تەرتٸبٸن بۇزۋعا يتەرمەلەيتٸن ٸس-ەرەكەتتەر» بابى بويىنشا 6 ادام قامالدى.
«بلوكپوستتاردى زاڭسىز اينالىپ ٶتپەك بولعان 4 ادام قامالدى. ەكەۋٸنە ايىپپۇل سالىنىپ, 9 ماتەريال سوتقا جٸبەرٸلدٸ. سونىمەن بٸرگە پوليتسييا قىزمەتكەرلەرٸ ۆولونتەرلەرمەن بٸرگە كٷن سايىن قالانىڭ كٶشەلەرٸ مەن اۋلالارىن باقىلاپ جٷر. 7 سەۋٸر كٷنٸ 30 جاستاعى اقتٶبەلٸك ٶز ٷيٸندە ەرٸپتەستەرٸن جيناپ قوناق قىلعان. پوليتسييا قىزمەتكەرلەرٸ ەقبتك-نٸڭ 476-بابى 6-تارماعى بويىنشا ەكٸمشٸلٸك حاتتاما تولتىردى. ماتەريال اقتٶبە قالاسىنىڭ مامانداندىرىلعان ەكٸمشٸلٸك سوتىنا جٸبەرٸلدٸ», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
