Foto: saryarka-hc.kz
Sybailas jemqorlyqqa qarsy is-qimyl agenttigi tóraǵasynyń orynbasary Darhan Quraqbaev Arǵyn Nyǵmatýlinniń tergeý bastalǵanǵa deiin Qazaqstannan shyǵyp ketkenin málimdedi, - dep habarlaidy Ult.kz.
"Antikor Nyǵmatýlinge qatysty tergeý júrgizip jatqan joq. Basqa memlekettik organ tergep jatyr, pikir bere almaimyz. Biz tek osy is boiynsha izdestirý sharalaryn júrgizip jatyrmyz. Onyń Qazaqstanda joq ekenin bilemiz: tergeý bastalǵanǵa deiin ketip qalǵan. Ol Qazaqstanda emes. Qazirgi ýaqytta ony izdeý jáne qaitarý boiynsha sharalar júrgizilip jatyr. Izdeý barlyq elde júrgiziledi – ol memleketaralyq izdeýge jariialandy", – dedi Darhan Quraqbaev.
Eske salaiyq, buǵan deiin Bas prokýratýra Arǵyn Nyǵmatýlin men basqa da tulǵalarǵa qatysty QR Qylmystyq kodeksiniń 189-baby 4-bóligi 2-tarmaǵy ("Ózine senip tapsyrylǵan bóten múlikti iemdený nemese ysyrap etý") boiynsha sotqa deiingi tergeý júrgizilip jatqanyn habarlaǵan bolatyn. Sot Nyǵmatýlinge qamaýda ustaý túrindegi bultartpaý sharasyn sanktsiialap, ony izdeýge jariialady.
