«Ardagerler uiymy» respýblikalyq qoǵamdyq birlestigi Qazaqstan Respýblikasy prezidenttigine kandidat usyndy, dep habarlaidy QazAqparat tilshisi.
Aita keteiik, elordada «Ardagerler uiymy» respýblikalyq qoǵamdyq birlestiginiń kezekten tys H sezi ótip jatyr. Sezge elimizdiń barlyq óńirinen 100-den astam delegat kelgen.
«Qazirgi jaǵdaidy geosaiasi ahýalǵa bailanysty qarastyratyn bolsaq, Prezidenttiń ókilettigin 7 jylǵa deiin uzartý – durys sheshim, batyl qadam dep oilaimyn. Kezekten tys sailaý ótkizý usynysyn da qoldaimyn. Elimizdiń bolashaǵy – balalarymyz ben nemerelerimiz úshin elimizde turaqtylyq bolýy kerek», - dedi «Ardagerler uiymy» RQB Ortalyq keńesiniń tóraǵasy Baqtyqoja Izmuhambetov sezdiń ashylýynda.
Onyń aitýynsha, Memleket basshysy alǵa qoiǵan baǵdarlamalaryn oryndaý úshin 7 jyl – óte qolaily kezeń, Prezident bastaǵan reformalardy júzege asyrýǵa jetkilikti ýaqyt.
«Qasym-Jomart Kemeluly kezekten sailaý ótkizýdi usyný arqyly el basqarýshyny tańdap alýdy daýysqa qoiyp otyr. Elimizde bilimdi, kózi ashyq, ultjandy azamattar az emes. Prezidenttikke kandidat bolǵysy keletinder de árqashan tabylady. Másele bilik basynda umtylýda emes, saiasi salmaqta. Aldaǵy sailaý – bul jai ǵana Prezidentti tańdaý emes, jalpy Qazaqstannyń halyqaralyq deńgeidegi pozitsiiasy men ishki saiasatynyń baǵyttaryn anyqtaýǵa baǵdarlanǵan saiasi qadam bolmaq.
Spiker sońǵy ýaqytta Memleket basshysynyń qabyldaǵan reformalary kóptiń kóńilinen shyǵyp jatqany ótken referendýmda halyqtyń belsendi qatysqanynan baiqalatynyn jetkizdi.
«Reformanyń joly eshqashan jeńil bolǵan emes. Elimiz jańa tarihi kezeńge qadam basyp otyr. Qasym-Jomart Kemeluly ádiletti Qazaqstandy qurý jolynda túbegeili jáne jan-jaqty refomralardy tabysty júzege asyrý úshin jańa senim mandaty qajettigin, memleket múddesin bárinen biik qoiatynyn jáne kezekten tys Prezident sailaýyna barýǵa daiyn ekenin aitty. Prezident mandatynyń uzaqtyǵyn qaita sailanýǵa tyiym salynatyn 7 jyldyq bir merzshimmen ǵana shekteýdi usyndy. Bul bolashaqta bilikti menshiktep alýdyń kez kelgen áreketiniń aldyn alady. Memleketimiz úshin mańyzdy saiasi naýqanǵa biz ardagerler úlken jaýapkershilikpen qaraýymyz kerek. Qazirgi ýaqytta Prezident usynǵan reformalardy qoldaý elimizdiń bolashaǵy úshin asa mańyzdy», - dedi Izmuhambetov.
