Foto: gov.kz
Jumyspen qamtylǵan qazaqstandyqtardyń 30 paiyzdan astamy zeinetaqy júiesine qatyspaidy. Bul týraly Eńbek jáne halyqty áleýmettik qorǵaý vitse-ministri Asqar Biahmetov málimdedi, dep habarlaidy Ult.kz.
"2024 jyldyń qorytyndysy boiynsha shamamen 30 paiyzy zeinetaqy júiesine qatyspaidy. Jekelegen sektorlarda eńbek normativteriniń bolmaýy da Jumyspen qamtýdyń kóleńkeli nysanyn saqtaýǵa yqpal etedi", - dedi Asqar Biahmetov Úkimet otyrysynda.
Onyń aitýynsha, Qazaqstanda 7,1 million jaldamaly jumysshy jáne 2,1 million ózin-ózi jumyspen qamtyǵan azamat bar. Eńbek ministrliginiń resmi derekterine sáikes Qazaqstandaǵy jumyssyzdyq deńgeii 4,6 paiyzdy quraidy. 5 jyl ishinde 3,3 million adamdy jumyspen qamtý kerek. Ulttyq statistika biýrosynyń málimetinshe, Qazaqstanda 9,2 million jumyspen qamtylǵan halyq bar.
