Búginde elimizde árbir myń adamǵa 47 sharshy metr sport alańy tiesili. Bul týraly Parlament Májilisi tóraǵasynyń orynbasary Gúlmira Isimbaeva málim etti, dep habarlaidy QazAqparat.
«Sport alańdary búkil halyq úshin qoljetimdi bolýy qajet. Búgingi kúni elimizde 30 myńnan astam sport ǵimaraty jumys istep tur. QR Ulttyq ekonomika ministrliginiń 2014 jylǵy buiryǵynyń bekitilgen sáýlet, qala qurylysy jáne qurylys salasyndaǵy memlekettik normativterge sáikes, elimizde árbir myń adamǵa 80 sharshy metr sport alańy bolýǵa tiis. Biraq, qazirgi tańda elimizde árbir myń adamǵa 47 sharshy metr sport alańynan týra keledi. Bul memlekettik normativte belgilengen deńgeiden eki esedei tómen», - dedi G. Isimbaeva Májilistegi Úkimet saǵatynda.
Osy oraida ol Elbasy 2018 jylǵy qazan aiyndaǵy Joldaýynda dene shynyqtyrý men sportty damytý, sport infraqurylymynyń halyqqa qoljetimdi bolýy máselelerine erekshe kóńil bólgenin eske saldy. Bul turǵyda kem degende 100 dene shynyqtyrý saýyqtyrý keshenin salý, sondai-aq qoldanystaǵy sport ǵimarattaryn tiimdi paidalaný tapsyrmasy berilgen edi.
«Ótken jyly Elbasynyń joǵaryda atalǵan Joldaýy aiasynda Úkimet 13 dene shynyqtyrý saýyqtyrý keshenin saldy. Biyl jáne kelesi jyly taǵy 87 osyndai keshen salý josparlanyp otyr», - dep naqtylady Májilis tóraǵasynyń orynbasary.
