بٷگٸندە ەلٸمٸزدە ەربٸر مىڭ ادامعا 47 شارشى مەتر سپورت الاڭى تيەسٸلٸ. بۇل تۋرالى پارلامەنت مەجٸلٸسٸ تٶراعاسىنىڭ ورىنباسارى گٷلميرا يسيمباەۆا مەلٸم ەتتٸ, دەپ حابارلايدى قازاقپارات.
«سپورت الاڭدارى بٷكٸل حالىق ٷشٸن قولجەتٸمدٸ بولۋى قاجەت. بٷگٸنگٸ كٷنٸ ەلٸمٸزدە 30 مىڭنان استام سپورت عيماراتى جۇمىس ٸستەپ تۇر. قر ۇلتتىق ەكونوميكا مينيسترلٸگٸنٸڭ 2014 جىلعى بۇيرىعىنىڭ بەكٸتٸلگەن سەۋلەت, قالا قۇرىلىسى جەنە قۇرىلىس سالاسىنداعى مەملەكەتتٸك نورماتيۆتەرگە سەيكەس, ەلٸمٸزدە ەربٸر مىڭ ادامعا 80 شارشى مەتر سپورت الاڭى بولۋعا تيٸس. بٸراق, قازٸرگٸ تاڭدا ەلٸمٸزدە ەربٸر مىڭ ادامعا 47 شارشى مەتر سپورت الاڭىنان تۋرا كەلەدٸ. بۇل مەملەكەتتٸك نورماتيۆتە بەلگٸلەنگەن دەڭگەيدەن ەكٸ ەسەدەي تٶمەن», - دەدٸ گ. يسيمباەۆا مەجٸلٸستەگٸ ٷكٸمەت ساعاتىندا.
وسى ورايدا ول ەلباسى 2018 جىلعى قازان ايىنداعى جولداۋىندا دەنە شىنىقتىرۋ مەن سپورتتى دامىتۋ, سپورت ينفراقۇرىلىمىنىڭ حالىققا قولجەتٸمدٸ بولۋى مەسەلەلەرٸنە ەرەكشە كٶڭٸل بٶلگەنٸن ەسكە سالدى. بۇل تۇرعىدا كەم دەگەندە 100 دەنە شىنىقتىرۋ ساۋىقتىرۋ كەشەنٸن سالۋ, سونداي-اق قولدانىستاعى سپورت عيماراتتارىن تيٸمدٸ پايدالانۋ تاپسىرماسى بەرٸلگەن ەدٸ.
«ٶتكەن جىلى ەلباسىنىڭ جوعارىدا اتالعان جولداۋى اياسىندا ٷكٸمەت 13 دەنە شىنىقتىرۋ ساۋىقتىرۋ كەشەنٸن سالدى. بيىل جەنە كەلەسٸ جىلى تاعى 87 وسىنداي كەشەن سالۋ جوسپارلانىپ وتىر», - دەپ ناقتىلادى مەجٸلٸس تٶراعاسىنىڭ ورىنباسارى.
