Qyzylorda oblysy Aral aýdanyndaǵy «Araltuz» aktsionerlik qoǵamy jumysshylarynyń jalaqy kóterý jónindegi usynysy qoldaý tapty, dep habarlaidy QazAqparat.
«Araltuz» AQ basshylyǵy óndiristik qyzmetkerler jalaqysyn 22,5 paiyzǵa kóterý týraly sheshim qabyldady. Qazirgi tańda kompaniia jumysy tolyq jandandy.
Qyrkúiek aiynyń alǵashqy kúninde aktsionerlik qoǵam jumysshylary jalaqyny 50%-100% kóterý jóninde usynys bildirdi.
2014 jyldan bastap qyzmetkerler jalaqysy 6 ese ósken. Sondai-aq, 2021 jyldyń 1 naýryzynda jalaqyny 10%-ǵa arttyrý týraly sheshim qabyldanǵan.
Kásiporyn mindetti áleýmettik meditsinalyq saqtandyrýǵa jarnalardy óteý týraly mindettemeni ózine aldy. Kompaniia pandemiia kezinde jumys oryndaryn qysqartqan joq. Oǵan qosa, qyzmetkerlerdi aqysyz demalysqa jibermegen sanaýly kompaniianyń biri.
«Kompaniia basshylyǵy kásipodaq pen qyzmetkerler ótinishin qarastyrdy. Sondai-aq kúrdeli jalpy ekonomikalyq jaǵdaidy eskere otyryp, 1 qyrkúiekten bastap óndiristik qyzmetkerlerdiń jalaqysyn taǵy 22,5%-ǵa arttyrý týraly sheshim qabyldady. Sonymen qatar, jyl qorytyndysy boiynsha óndiris josparyn oryndaǵany úshin ujymnyń jumysyn qoldaý jáne yntalandyrý sharasy retinde árbir qyzmetkerge qosymsha syiaqy belgileý tapsyryldy. Búgin kompaniianyń búkil qyzmetkerleri óz mindetterin oryndaýǵa kiristi. Kásiporynnyń jumysy tolyq qalpyna keltirildi», - dep málim etti «Araltuz» aktsionerlik qoǵamynan.
