Foto: Pexels.com
Qyzylorda oblysy, Jaqsyqylysh aýyly – «Araltuz» AQ tuz óńdeý tsehynyń burynǵy qyzmetkerine jumys barysynda aýyr jaraqat alǵany úshin 5 million teńge kóleminde moraldyq ótemaqy tólenetin boldy. Bul týraly Aral aýdandyq soty sheshim shyǵardy, dep habarlaidy Ult.kz.
2013 jyldan beri kásiporynda jumys istegen áiel 2021 jyly tseh operatory qyzmetine aýystyrylǵan. 2025 jyldyń qańtarynda túngi aýysymda jumys istep júrgende dúken qoimasynda tuz tasymaldaityn júk kótergish (pogrýzchik) qaǵyp ketken. Aýyr jaraqat saldarynan birneshe márte ota jasalyp, ol kórý jáne qozǵalý múmkindiginen aiyrylǵan.
Qazirgi tańda zardap shekken jumysshy turaqty túrde kútim men meditsinalyq kómekke muqtaj. Bet pen kózge shuǵyl operatsiia qajet. Onyń eki kishkentai balasy bar.
Arnaiy tergeý aktisine sáikes, óndiristik jazataiym oqiǵa boiynsha jumys berýshi – «Araltuz» AQ 100% kináli dep tanyldy. Qylmystyq kodekstiń 156-babynyń 2-bóligi boiynsha qylmystyq is qozǵalyp, tergeý amaldary jalǵasýda.
Kompaniia ókilderi oqiǵa abaisyzdyq saldarynan bolǵanyn aityp, zardap shekken adamǵa 850 myń teńge materialdyq kómek kórsetilgenin jáne bolashaqta jasalatyn operatsiialardyń shyǵynyn ózderi óteitinin jetkizdi.
Sot otyrysynda talap qoiýshynyń densaýlyǵyna keltirilgen ziian, fizikalyq jáne psihologiialyq azap tolyq dáleldenip, Aral aýdandyq soty «Araltuz» AQ-ny moraldyq ótemaqy retinde 5 million teńge tóleýge mindettedi.
Sot sheshimi zańdy kúshine endi.
