فوتو: Pexels.com
قىزىلوردا وبلىسى, جاقسىقىلىش اۋىلى – «ارالتۇز» اق تۇز ٶڭدەۋ تسەحىنىڭ بۇرىنعى قىزمەتكەرٸنە جۇمىس بارىسىندا اۋىر جاراقات العانى ٷشٸن 5 ميلليون تەڭگە كٶلەمٸندە مورالدىق ٶتەماقى تٶلەنەتٸن بولدى. بۇل تۋرالى ارال اۋداندىق سوتى شەشٸم شىعاردى, دەپ حابارلايدى Ult.kz.
2013 جىلدان بەرٸ كەسٸپورىندا جۇمىس ٸستەگەن ەيەل 2021 جىلى تسەح وپەراتورى قىزمەتٸنە اۋىستىرىلعان. 2025 جىلدىڭ قاڭتارىندا تٷنگٸ اۋىسىمدا جۇمىس ٸستەپ جٷرگەندە دٷكەن قويماسىندا تۇز تاسىمالدايتىن جٷك كٶتەرگٸش (پوگرۋزچيك) قاعىپ كەتكەن. اۋىر جاراقات سالدارىنان بٸرنەشە مەرتە وتا جاسالىپ, ول كٶرۋ جەنە قوزعالۋ مٷمكٸندٸگٸنەن ايىرىلعان.
قازٸرگٸ تاڭدا زارداپ شەككەن جۇمىسشى تۇراقتى تٷردە كٷتٸم مەن مەديتسينالىق كٶمەككە مۇقتاج. بەت پەن كٶزگە شۇعىل وپەراتسييا قاجەت. ونىڭ ەكٸ كٸشكەنتاي بالاسى بار.
ارنايى تەرگەۋ اكتٸسٸنە سەيكەس, ٶندٸرٸستٸك جازاتايىم وقيعا بويىنشا جۇمىس بەرۋشٸ – «ارالتۇز» اق 100% كٸنەلٸ دەپ تانىلدى. قىلمىستىق كودەكستٸڭ 156-بابىنىڭ 2-بٶلٸگٸ بويىنشا قىلمىستىق ٸس قوزعالىپ, تەرگەۋ امالدارى جالعاسۋدا.
كومپانييا ٶكٸلدەرٸ وقيعا ابايسىزدىق سالدارىنان بولعانىن ايتىپ, زارداپ شەككەن ادامعا 850 مىڭ تەڭگە ماتەريالدىق كٶمەك كٶرسەتٸلگەنٸن جەنە بولاشاقتا جاسالاتىن وپەراتسييالاردىڭ شىعىنىن ٶزدەرٸ ٶتەيتٸنٸن جەتكٸزدٸ.
سوت وتىرىسىندا تالاپ قويۋشىنىڭ دەنساۋلىعىنا كەلتٸرٸلگەن زييان, فيزيكالىق جەنە پسيحولوگييالىق ازاپ تولىق دەلەلدەنٸپ, ارال اۋداندىق سوتى «ارالتۇز» اق-نى مورالدىق ٶتەماقى رەتٸندە 5 ميلليون تەڭگە تٶلەۋگە مٸندەتتەدٸ.
سوت شەشٸمٸ زاڭدى كٷشٸنە ەندٸ.
