Qyzylorda oblysynyń Aral aýdanynda jańa filmniń túsirilim jumystary bastaldy, dep habarlaidy "Ult aqparat".
Bul jaiynda «Qazaqfilm» kinostýdiiasynyń baspasóz qyzmeti málimet taratty.
«Rejisser Viktor Vilkovskii bastaǵan «Teńizdiń oralýy» ǵylymi-tanymdyq filminiń túsirilim toby Aral aýdanynda túsirilimdi bastady. Aral teńiziniń ekologiialyq apatynyń sebebi - teńizdi qorektendiretin Syrdariia men Amýdariia ózenderin maqta, kúrish jáne basqa daqyldardy sýaratyn arnalarǵa burý bolǵany kópshilikke belgili. Ǵylymi jáne memlekettik mekemeler, kásiporyndar, halyqaralyq uiymdar men qorlar kóp jyldar boiy Aral teńiziniń tartylý máselesin sheshýmen ainalysyp keledi. Rejisser dál osy mańyzdy jumysty qamtýdy josparlap otyr» dep habarlaidy kinostýdiiadan.
Film kórermenge Araldyń ótkeni, búgini men bolashaǵy týraly áńgimeleidi jáne árqaisymyzdyń qorshaǵan ortanyń ekologiialyq jaǵdaiyn jaqsartýǵa qosqan úlesimiz týraly oiǵa qaldyrady.
