Foto: "Turan Oipaty- Aral teńizi" QU
Qyzylorda oblysynda qurbandyq shalynyp, Aral teńizin jandandyrý úshin ujymdyq duǵa oqyldy. Buqaralyq rásimge 500-ge jýyq adam qatysty, - dep habarlaidy Tengrinews.kz.
"Turan Oipaty - Aral teńizi" QB, "Baitaq" ekopartiiasy, sondai-aq Aral teńizi problemasyna beijai qaramaityn adamdar uiymdastyrýshy boldy.
"Aral teńizine sý qaita ma?" atty ekomarafon-2022-ge qatysý úshin aýdanǵa otandyq jáne sheteldik ǵalymdar, ekologtar, oblys belsendileri, jýrnalister, jergilikti turǵyndar keldi. Aral teńizi problemalaryn talqylaǵannan keiin "tasattyq" rásimi ótti", - dedi "Turan Oipaty - Aral teńizi" QB qoǵammen bailanys jónindegi qyzmetkeri Kólbai Danabai.
"Tasattyq" - qazaqtyń ejelgi jańbyr shaqyrý salty.
"Qurbandyq shalý rásiminen keiin duǵa oqyldy, oǵan Aral turǵyndarynan basqa alys shetelden kelgen qonaqtar da qatysty. Sodan keiin qatysýshylar "tasattyq" dástúrin jasady - teńizdiń kepken túbine sý shashty", - dedi ol.
Eske salaiyq, buǵan deiin Aqtaýda jappai jańbyr shaqyrý rásimi ótken bolatyn.
