فوتو: "تۇران ويپاتى- ارال تەڭٸزٸ" قۇ
قىزىلوردا وبلىسىندا قۇرباندىق شالىنىپ, ارال تەڭٸزٸن جانداندىرۋ ٷشٸن ۇجىمدىق دۇعا وقىلدى. بۇقارالىق رەسٸمگە 500-گە جۋىق ادام قاتىستى, - دەپ حابارلايدى Tengrinews.kz.
"تۇران ويپاتى - ارال تەڭٸزٸ" قب, "بايتاق" ەكوپارتيياسى, سونداي-اق ارال تەڭٸزٸ پروبلەماسىنا بەيجاي قارامايتىن ادامدار ۇيىمداستىرۋشى بولدى.
"ارال تەڭٸزٸنە سۋ قايتا ما?" اتتى ەكومارافون-2022-گە قاتىسۋ ٷشٸن اۋدانعا وتاندىق جەنە شەتەلدٸك عالىمدار, ەكولوگتار, وبلىس بەلسەندٸلەرٸ, جۋرناليستەر, جەرگٸلٸكتٸ تۇرعىندار كەلدٸ. ارال تەڭٸزٸ پروبلەمالارىن تالقىلاعاننان كەيٸن "تاساتتىق" رەسٸمٸ ٶتتٸ", - دەدٸ "تۇران ويپاتى - ارال تەڭٸزٸ" قب قوعاممەن بايلانىس جٶنٸندەگٸ قىزمەتكەرٸ كٶلباي داناباي.
"تاساتتىق" - قازاقتىڭ ەجەلگٸ جاڭبىر شاقىرۋ سالتى.
"قۇرباندىق شالۋ رەسٸمٸنەن كەيٸن دۇعا وقىلدى, وعان ارال تۇرعىندارىنان باسقا الىس شەتەلدەن كەلگەن قوناقتار دا قاتىستى. سودان كەيٸن قاتىسۋشىلار "تاساتتىق" دەستٷرٸن جاسادى - تەڭٸزدٸڭ كەپكەن تٷبٸنە سۋ شاشتى", - دەدٸ ول.
ەسكە سالايىق, بۇعان دەيٸن اقتاۋدا جاپپاي جاڭبىر شاقىرۋ رەسٸمٸ ٶتكەن بولاتىن.
