Qyzylorda oblysynda Aral teńizine balyq aýlaýǵa shyqqan eki adamnyń qaiyǵy aýdarylyp, sýǵa ketti, dep habarlaidy QazAqparat.
Oqiǵa Aral aýdanyna qarasty Aqespe eldi mekeni tusynda, Aral teńizinde bolǵan.
«Atalǵan aýylda turatyn 1969, 1971 jylǵy azamattar balyq aýlaýǵa shyqqan. Belgisiz sebeppen qaiyq aýdarylyp, ekeýi sýǵa ketti. Olardyń jansyz denesin birge júrgen ózge adamdar jaǵaǵa alyp shyqqan», - dep málim etti Qyzylorda oblystyq tótenshe jaǵdailar departamenti baspasóz qyzmetiniń bas mamany Aigúl Nurmanova.
Aral aýdany ákimdiginiń habarlaýynsha, olardyń máiitteri otbasylaryna jetkizildi.
