Ekologiia, geologiia jáne tabiǵi resýrstar ministri Maǵzum Myrzaǵaliev qurǵap bara jatqan Aral problemasyn qalai rettegeli otyr? Bul suraq Ortalyq kommýnikatsiialar qyzmetindegi baspasóz máslihatynda ministr Maǵzum Myrzaǵalievqa qoiyldy, dep habarlaidy QazAqparat.
«Bul - óte keshendi problema. 2002 jyldan bastap 2008 jylǵa deiin osy keshendi baǵdarlamanyń alǵashqy kezeńi iske asyrylǵan bolatyn. Birinshiden, jobany sátti júzege asyrýdyń arqasynda sý aidyny 870 sharshy shaqyrymǵa nemese 40 paiyzǵa artty, sýdyń mineraldaný deńgeii tómendetildi. Osynyń arqasynda Araldyń soltústiginde qazirdiń ózinde 20 túrli balyq mekendeidi. Álbette bul jumysty ary qarai jalǵastyrý kerek. Jumysty eki baǵytta júrgizemiz», - dedi Maǵzum Myrzaǵaliev.
Ministr ózi ataǵan eki baǵytqa keńinen toqtaldy.
«Birinshiden, sý aidynyn qanshalyqty keńeitýge bolatyny jóninde másele tereńinen zertteledi. Bul jumysty biz Dúniejúzilik bankpen birge bastap kettik. Ekologiialyq problemany sheshýdiń ekinshi akpekti – Aral teńiziniń qurǵap qalǵan bóligine aǵash egý. Keiingi jyldary ol oryndardaǵy 270 myń gektar aýmaqqa sekseýil egilgenin atap ótý kerek. Bálkim, bul sharýa tuzdaný jáne qumdaný protsesine qarsy kúresýdiń bir joly bolsa kerek», - dedi ol.
