Mýzyka qoiylyp, er men áiel ortaǵa shyǵyp bileitin toilar araqsyz ótse de tolyq halal bolyp eseptelmeidi. Bul týraly Qazaqstan musylmandary dini basqarmasynyń ustazy, dintanýshy Ersin Ámire ýaǵyzdarynyń birinde aitty.
"Toi adal bolý kerek. Qazirgi tańda toiǵa qatysty qate túsinik qalyptasyp kele jatyr. Halal delingen toilarda mýzyka qoiyp, er men áiel bi bileitinin estip jatamyz, taǵy sol sekildi shariǵatqa qaishy áreketter jasalady. Bastysy araq joq deidi. Ol toidy tolyq halal toi dep aitý qiyn. "Polý halal" deimiz be, úshten biri halal deimiz be… ol tolyq halal toi bolyp eseptelmeidi", — deidi Ersin Ámire.
Onyń aitýynsha, er men áieldiń aralasyp bileýi, mýzykanyń bolýy toidy tolyq halal etpeidi.
"Tolyq halal toi shariǵattyń sheńberinde ótedi. Mýzyka túgeldei haram emes deitin ǵulamalardyń ózi toilarda aitylatyn ánderge ruqsat bergen emes. Buryn ánder dindi, adamnyń jaqsy minez-qulqyn qalyptastyrýdy nasihattaityn. Al endi erkek pen áieldiń arasyndaǵy mahabbatty jyrlaityn ánderdiń eshqaisysy halal emes. Sonymen qatar, toiǵa bishi qyz-jigitterdi alyp keledi. Munyń barlyǵy shariǵatqa qaishy", — dep túiindedi ustaz.
