مۋزىكا قويىلىپ, ەر مەن ەيەل ورتاعا شىعىپ بيلەيتٸن تويلار اراقسىز ٶتسە دە تولىق حالال بولىپ ەسەپتەلمەيدٸ. بۇل تۋرالى قازاقستان مۇسىلماندارى دٸني باسقارماسىنىڭ ۇستازى, دٸنتانۋشى ەرسٸن ەمٸرە ۋاعىزدارىنىڭ بٸرٸندە ايتتى.
"توي ادال بولۋ كەرەك. قازٸرگٸ تاڭدا تويعا قاتىستى قاتە تٷسٸنٸك قالىپتاسىپ كەلە جاتىر. حالال دەلٸنگەن تويلاردا مۋزىكا قويىپ, ەر مەن ەيەل بي بيلەيتٸنٸن ەستٸپ جاتامىز, تاعى سول سەكٸلدٸ شاريعاتقا قايشى ەرەكەتتەر جاسالادى. باستىسى اراق جوق دەيدٸ. ول تويدى تولىق حالال توي دەپ ايتۋ قيىن. "پولۋ حالال" دەيمٸز بە, ٷشتەن بٸرٸ حالال دەيمٸز بە… ول تولىق حالال توي بولىپ ەسەپتەلمەيدٸ", — دەيدٸ ەرسٸن ەمٸرە.
ونىڭ ايتۋىنشا, ەر مەن ەيەلدٸڭ ارالاسىپ بيلەۋٸ, مۋزىكانىڭ بولۋى تويدى تولىق حالال ەتپەيدٸ.
"تولىق حالال توي شاريعاتتىڭ شەڭبەرٸندە ٶتەدٸ. مۋزىكا تٷگەلدەي حارام ەمەس دەيتٸن عۇلامالاردىڭ ٶزٸ تويلاردا ايتىلاتىن ەندەرگە رۇقسات بەرگەن ەمەس. بۇرىن ەندەر دٸندٸ, ادامنىڭ جاقسى مٸنەز-قۇلقىن قالىپتاستىرۋدى ناسيحاتتايتىن. ال ەندٸ ەركەك پەن ەيەلدٸڭ اراسىنداعى ماحابباتتى جىرلايتىن ەندەردٸڭ ەشقايسىسى حالال ەمەس. سونىمەن قاتار, تويعا بيشٸ قىز-جٸگٸتتەردٸ الىپ كەلەدٸ. مۇنىڭ بارلىعى شاريعاتقا قايشى", — دەپ تٷيٸندەدٸ ۇستاز.
