Arab sheihterine Qazaqstan qoryqtary aýmaǵynda joǵalyp ketýi bar dýadaqtardy aýlaýǵa ruqsat berildi, dep habarlaidy Tengrinews.kz. tilshisi. Buǵan ruqsat 2016 jyldyń 11 qazanyndaǵy Qazaqstan Respýblikasynyń № 580 qaýlysyna sáikes berildi, bul jarlyq "Ádilet" aqparattyq quqyqtyq júiede (AQJ) ornalastyrylǵan.
"Qazaqstan Respýblikasynyń 2004 jyldyń 9 shildesindegi "Janýarlar dúniesin qorǵaý, ósimin molaitý jáne paidalaný týraly" 15-shi zańynyń babyna sáikes Qazaqstan Respýblikasynyń úkimeti qaýly etedi:
1. 2016 jyldyń 10 qazan men 15 qarashasyna deiin suńqarmen dýadaq aýlaýǵa ruqsat berilsin:
1) sheih Halif Bin Zaed Ál Nahaianǵa (Birikke Arab ámirlikteri) Ońtústik Qazaqstandaǵy respýblikalyq mańyzy bar Arys jáne Qarataý memlekettik qoryǵynyń aýmaǵynda 35 (otyz bes) dýadaqqa jáne Ońtústik Qazaqstandaǵy respýblikalyq mańyzy bar Jambyl, Qyzylorda jáne Ońtústik Qazaqstan oblysyndaǵy qoryqtar aýmaǵynda 49 (qyryq toǵyz) dýadaqqa;
2) sheih Sýrýr Bin Mýhammedý Ál Nahaianýǵa (Birikke Arab ámirlikteri) Mańńystaý oblysyndaǵy respýblikalyq mańyzy bar Kendirli-Qaiasan memlekettik qoryq aýmaǵynda 21 (jiyrma bir) dýadaqqa;
3) sheih Seif Bin Mýhammedý Ál Nahaianǵa (Birikke Arab ámirlikteri) Mańńystaý oblysyndaǵy respýblikalyq mańyzy bar Kendirli-Qaiasan memlekettik qoryq aýmaǵynda 20 (jiyrma) dýadaqqa;
4) sheih Djasem Bin Hamad Bin Halifa Ál Tanige (Katar) Jambyl oblysyndaǵy respýblikalyq mańyzy bar Ańdasai memlekettik qoryq aýmaǵynda 12 (on eki) dýadaqqa jáne Almaty men Jambyl oblystaryndaǵy respýblikalyq mańyzy bar Jýsandala memlekettik qoryq aýmaǵynda 37 (otyz jeti) dýadaqqa.
"Qazaqstan Respýblikasynyń Aýylsharýashylyq ministrliginiń Orman sharýashylyǵy jáne janýarlar álemi komiteti belgilengen tártipte osy qaýlynyń 1 pýnktinde kórsetilgen jeke suńqarlary bar tulǵalarǵa dýadaq aýlaýǵa ruqsat bersin. Dýadaqty aýlaýǵa tólem 260 ailyq eseptik kórsetkish kóleminde bekitilsin. Qazaqstan Respýblikasynyń Aýylsharýashylyq ministrligi, Qazaqstan Respýblikasyndaǵy SITES ákimshilik organy Qazaqstan Respýblikasynyń aýmaǵyna suńqarmen ańǵa shyǵý úshin jyrtqysh ańshy qustardy, Joǵalyp ketý qaýpi bar jabaiy flora men faýna túrlerin halyqaralyq saýdasy komitetiniń protsedýralaryn saqtai otyryp alyp kirý men shyǵarýdy qamtamassyz etsin", - delingen qaýlyda.
Almaty, Jambyl, Qyzylorda, Mańǵystaý jáne Ońtústik Qazaqstan oblystarynyń ákimderine atalǵan sharalardy ótkizýge qajetti kómek kórsetý tapsyrylǵan. Bul qaýly qol qoiylǵan kúnnen bastap júzege asyrylady.
Aita keteiik, bul qustardyń joǵalyp ketý qaýpi bar jáne Qyzyl kitapqa engizilgen.
