Búgin, 27 qyrkúiekte Saýd Arabiiasy 49 eldiń týristerine alǵash ret viza bergenin resmi málimdedi, dep habarlaidy QazAqparat Arab News saityna silteme jasap.
Bul týraly Saýd týrizm jáne ulttyq mura jónindegi komissiiasy eldegi basty týristik baǵyttardyń birine ainalǵan ád-Diriiia qalasynda ótken is-sharada málim etti.
Taq murageri Muhammed ben Salman qolǵa alǵan «Saudi Vision 2030» reformalar baǵdarlamasynyń basty baǵyttarynyń biri - kikstart týrizmi (aǵyl. kick start – aýyspaly maǵynada: «jańartylǵan, jaqsartylǵan nusqasyn iske qosý»). Baǵdarlama munaidan keiingi dáýirdegi eń iri arab ekonomikasyn qurýǵa baǵyttalǵan.
Týrizm departamentiniń basshysy ál-Hatibtiń aitýynsha, «týrister mádeniet marjandaryn kórip tańǵalady. Olar IýNESKO tizimine engizilgen bes nysan, jergilikti ulttyq mádeniet jáne tabiǵattyń kózdiń jaýyn alatyn sulýlyǵy».
Onyń aitýynsha, Saýd Koroldigi sheteldik áielderge arnalǵan dress-kod erejelerin ózgertpek. Iaǵni, týrist áielder arabtyń etek-jeńi uzyn kóilegin kimeýine bolady. Tek sypaiy kiinip júrse bolǵany.
Eýropanyń 38, Aziianyń 7 eli, AQSh, Kanada, Aýstraliia jáne Jańa Zelandiia týristeri viza alýǵa onlain ótinim berýine bolady.
Arab News agenttiginiń habarlaýynsha, viza quny - 300 rial (80 AQSh dollary).
Týristik vizany alýǵa ótinishter biyl 28 qyrkúiekten bastap qabyldanady.
Qazir Saýd Arabiiasy týrizminiń basty baǵyty – qajylyq sapary. Álemniń túkpir-túkpirinen Mekke men Mádinany kórý úshin musylmandar aǵylyp keledi.
