Mekteptegi álimjettik oqiǵalarynyń árqaisysyn bólek qarastyryp, tiisti quqyqtyq shara qabyldaý kerek. Bilim jáne ǵylym vitse-ministri Sholpan Karinova osylai dedi, dep habarlaidy QazAqparat tilshisi.
Aita ketsek, OKQ-da ótken baspasóz máslihatynan keiin tilshiler Talǵar aýdanynda 6- synyptyń oqýshysyna qysym kórsetilý faktisi boiynsha vitse-ministrdiń pikirin suraǵan edi.
«Ár jaǵdaidy bólek qarastyrý kerek. Oqýshylardyń arasynda bolyp jatqan keleńsiz jaǵdailar boiynsha bylai deýge bolady: jalpy, tárbie birinshi otbasynan bastalady. Tárbieniń jalǵasy árine, mektepte. Ata-anamen jumys júrgizýdiń de baǵyttary bar. Máselen, Talǵar aýdanyndaǵy fakt boiynsha aitar bolsaq, naqty ol boiynsha ár jaǵdaida da quqyqtyq sheńberde sheshim qabyldanady. Jalpy, bizdiń qazir jasalyp jatqan memlekettik baǵdarlamamyzda tárbie jumysyn úlken blok qylyp shyǵardyq. Onda álimjettiktiń aldyn alý jumystary keń aýqymdy qarastyrylǵan», - dedi Sholpan Karinova.
Aita ketsek, biyl Tamyz konferentsiiasynda Prezident Qasym-Jomart Toqaev jas urpaqqa durys tárbie berý máselesin kótergen bolatyn.
«Tárbie – sapaly bilimniń negizgi arqaýy, dińgegi. Ál-Farabidiń «Tárbiesiz berilgen bilim – adamzattyń qas jaýy» degen sózi barsha bilim salasy qyzmetkerleriniń boi túzer baǵdary bolýy tiis. Elimizdiń jastary ózin jeke tulǵa retinde damytýmen qatar, memlekettiń ozyq innovatsiialaryna sai órkendeýine zor úles qosýy qajet. Bul qazirgi bilim jáne tárbie berý
Elimizdegi mektep oqýshylarynyń bir-birine álimjettik kórsetýi ishinara kezdesip jatady. Máselen, jyl basynda Túrkistan oblysynda mektep oqýshylarynyń buzaqylyǵy áleýmettik jelide tarap ketip, oǵan qatysty qylmystyq is qozǵalǵan bolatyn.
