QR Premer-Ministriniń orynbasary Roman Skliar «Ulttyq indýstriialyq munai-himiia tehnoparki» arnaiy ekonomikalyq aimaǵynda iske asyrý josparlanǵan jobalar týraly aitty, dep habarlaidy QazAqparat.
Vitse-Premerdiń málimeti boiynsha, Qazaqstanda gomopolimerler men sopolimerlerdiń 70-ten astam markasy shyǵarylýy múmkin. Bul týraly ol depýttatyq saýalǵan bergen jaýabynda aitty.
«Búgingi tańda «Ulttyq indýstriialyq munai-himiia tehnoparki» AEA aýmaǵynda 10 qatysýshy tirkelgen. Onyń ishinde 1 joba paidalanýǵa berildi. 2015 jyly «Polimer Prodakshn» JShS polimerlik ónim óndirý jobasyn qolǵa alǵan bolatyn. Taǵy 3 joba qurylys satysynda jáne qalǵan jobalar jobalaý satysynda. 2021 jylǵy 31 naýryzdaǵy jaǵdai boiynsha polipropilen óndiretin gaz-himiia kesheniniń jalpy qýaty jylyna 500 myń tonna jáne quny 2,6 mlrd. AQSh dollaryna teń. Osy joba iske qosylǵannan keiin ishki qajettilik pen eksportty tolyq qamtamasyz etýge múmkindik beretin gomopolimerler men polimertektes ónimderdiń 76 markasy shyǵarylatyn bolady», - dep jazdy Roman Skliar depýtattyq saýalǵa bergen jaýabynda.
Sondai-aq, ol «UIMT» AEA bazasynda gaz týrbinaly elektr stantsiiasyn salý, sý daiyndaý jáne aǵyndy sýlardy tazartý qondyrǵylarynyń óndirisi, tehnikalyq gaz óndirý qondyrǵylaryn jasaý siiaqty birneshe joba kiretin kiretin óndiristik infraqurylymynyń qurylysy bitýge jaqyn qalǵanyn aitady.
«Munai-gaz himiiasymen bailanysty jobalar qomaqty kapitaldy qajet etetin jáne tehnikalyq jaǵynan kúrdeli bolyp keletiin atap ótken jón. Bul belgili bir jumys túrlerin júrgizýdi, onyń ishinde qarjylandyrýdy tartý, shikizatpen qamtamasyz etý, litsenziialyq tehnologiia alý, qajetti infraqurylymmen qamtamasyz etý jáne daiyn ónimdi ótkizý kózderi tabý siiaqty jumystardy talap etedi. Osy jumystardy júrgizgennen keiin ǵana atalǵan zaýyttardy jobalaý jáne salý múmkin bolady. Bul kóp ýaqyt alady», - deidi vitse-Premer.
Roman Skliar Memleket basshysynyń tapsyrmasy boiynsha «UIMT» AEA qyzmetiniń tiimdiligin arttyrýǵa kóńil bólingenin eske saldy.
«UIMT» AEA-da bazalyq ónimdi qaita óńdeý boiynsha jańa kásiporyndar qurýdy yntalandyratyn klasterlik tásildi qoldaný usynylyp otyr. Jalpy, atalmysh arnaiy ekonomikalyq aimaqtyń infraqurylymyna biýdjetten salynǵan 1 teńge shamamen 4 teńge jeke investitsiia tartýǵa múmkindik berdi», - dedi Premer-Ministrdiń orynbasary.
Resmi málimetke súiensek, «UIMT» AEA jumys istei bastaǵannan beri ónim óndirý kólemi shamamen 22 mlrd teńgege jetken. Onyń ishinde eksport kólemi 15,3 mlrd teńge bolǵan. Jobalarǵa salynǵan 830 mlrd teńge investitsiianyń 668 mlrd teńgesi jeke menshikten tartylǵan. Sonyń arqasynda 3,5 myńǵa jýyq turaqty jáne ýaqytsha jumys orny ashylǵan.
